Kerala Syllabus Class 6 അടിസ്ഥാന ശാസ്ത്രം: Chapter 04 പൂക്കാം കായ്‌ക്കാം - ചോദ്യോത്തരങ്ങൾ | Teaching Manual

Questions and Answers for Class 6 Basic Science (Malayalam Medium) Flowering and Fruiting | Text Books Solution Basic Science (English Medium) Chapter 04 പൂക്കാം കായ്‌ക്കാം | Teachers Handbook. ഈ യൂണിറ്റിന്റെ Teachers Manual & Teachers Handbook എന്നിവയുടെ ലിങ്ക് ഈ പേജിന്റെ അവസാന ഭാഗത്തു നൽകിയിട്ടുണ്ട്. പഠന സഹായികൾ അയക്കാൻ താല്പര്യമുള്ളവർ ഈ നമ്പറിൽ വാട്സാപ്പ് ചെയ്യുക: 9497346250.

ഈ ബ്ലോഗ് അഡ്‌മിൻറെ രേഖാമൂലമുള്ള അനുമതിയില്ലാതെ ഈ ബ്ലോഗിൽ നൽകിയിരിക്കുന്ന ചോദ്യോത്തരങ്ങൾ, ഇതേരീതിയിലോ പി.ഡി.എഫ് രൂപത്തിലോ, മറ്റേതെങ്കിലും ഡിജിറ്റലോ, പ്രിന്റഡ് ഉൾപ്പെടെയുള്ള ഏതെങ്കിലും രൂപങ്ങളിലേക്കോ മാറ്റി മറ്റൊരു വെബ്സൈറ്റിലോ, ബ്ലോഗിലോ, യുട്യൂബ്, സോഷ്യൽ മീഡിയാ ഗ്രൂപ്പുകളിലോ ഉൾപ്പെടെ ഒരിടത്തും പ്രചരിപ്പിക്കാൻ പാടില്ലാത്തതാകുന്നു.

Class 6 അടിസ്ഥാന ശാസ്ത്രം: Chapter 04 പൂക്കാം കായ്‌ക്കാം - ചോദ്യോത്തരങ്ങൾ
♦ നിങ്ങളുടെ ചുറ്റുപാടും കാണുന്ന ചില പൂക്കളാണ് താഴെ ചിത്രത്തിൽ നൽകിയിരിക്കുന്നത്. ഇതിൽ ഏതെല്ലാം പൂക്കൾ നിങ്ങൾക്ക് തിരിച്ചറിയാൻ കഴിയുന്നുണ്ട്? 
• മുക്കുറ്റി
• തുമ്പ 
• തൊട്ടാവാടി 
• കണിക്കൊന്ന 

♦ എല്ലാ പൂക്കളും ഒരു പോലെയല്ല എന്ന് നിങ്ങൾക്കറിയാമല്ലോ. എന്തൊക്കെ കാര്യങ്ങളിലാണ് അവ വ്യത്യാസപ്പെട്ടിരിക്കുന്നത്? ചുറ്റുപാടുമുള്ള പൂക്കൾ നിരീക്ഷിക്കൂ. അവയുടെ വൈവിധ്യം തിരിച്ചറിഞ്ഞ് പട്ടിക പൂർത്തിയാക്കൂ.
♦ ഒരു ചെമ്പരത്തിപ്പൂവ് നിരീക്ഷിക്കൂ. ഏതൊക്കെ ഭാഗങ്ങൾ നിങ്ങൾക്ക് തിരിച്ചറിഞ്ഞ് പറയാൻ കഴിയുന്നുണ്ട്? അറിയാവുന്ന ഭാഗങ്ങൾ ചുവടെ നൽകിയിരിക്കുന്ന ചിത്രത്തിൽ രേഖപ്പെടുത്തൂ.
♦ ഒരു പൂവിന്റെ പ്രധാന ഭാഗങ്ങളും അവയുടെ ധർമ്മവും സംബന്ധിച്ച് കുറിപ്പ് തയ്യാറാക്കുക
• പൂഞെട്ട് (Pedicel) - പൂവിനെ തണ്ടുമായി ബന്ധിപ്പിക്കുന്നു
• പുഷ്പാസനം (Thalamus) - പൂവിന്റെ മറ്റ് ഭാഗങ്ങൾക്ക് ഇരിപ്പിടം ഒരുക്കുന്നു
• വിദളപുടം (Calyx) - വിദളങ്ങൾ ചേർന്ന് രൂപപ്പെട്ടത്. പൂമൊട്ടിനെ പൊതിഞ്ഞ് സംരക്ഷിക്കുന്നു.
• ദളപുടം (Corolla) - ദളങ്ങൾ ചേർന്ന് രൂപപ്പെട്ടത്. പൂവിന് ഭംഗിയും ആകർഷണവും നൽകുന്നു.
• കേസരപുടം (Androecium) - കേസരങ്ങൾ ചേർന്ന് രൂപപ്പെട്ടത്. പൂവിന്റെ ആൺ പ്രത്യുൽപാദനഭാഗം 
• ജനിപുടം (Gynoecium) - പൂവിന്റെ പെൺ പ്രത്യുൽപാദനഭാഗം. ജനിപുടത്തിൽ ഒന്നോ ഒന്നിലധികമോ ജനികളുണ്ടാകും.

♦ പൂർണ്ണപുഷ്പം (Complete Flower)
വിദളപുടം, ദളപുടം, കേസരപുടം, ജനിപുടം എന്നീ നാല് ഭാഗങ്ങളാണ് ഒരു പൂവിൽ പ്രധാനമായും കാണുന്നത്. ഈ നാലു ഭാഗങ്ങളുമുള്ള പൂവിനെ പൂർണ്ണപുഷ്പം എന്ന് പറയുന്നു.

♦ വീട്ടിലെയും സ്കൂളിലെയും വിവിധയിനം പൂക്കൾ നിരീക്ഷിച്ച് താഴെക്കൊടുത്തിട്ടുള്ള പട്ടികയിൽ നിരീക്ഷണങ്ങൾ രേഖപ്പെടുത്തുക.
♦ എല്ലാ ചെടികളും പുഷ്പിക്കുമോ? പൂക്കാത്ത ചെടികൾ നിങ്ങളുടെ വീട്ടിലോ പരിസരത്തോ ഉണ്ടോ? നിരീക്ഷിച്ച് കണ്ടെത്തൂ.
പൈൻ, സൈക്കസ്, പന്നൽ, കറ്റാർവാഴ, മണിപ്ലാന്റ്, പായലുകൾ പോലെയുള്ള ചെറുസസ്യങ്ങൾ.

♦ ചെടികളിൽ പൂക്കൾ ഉണ്ടാകുന്നത് കൊണ്ടുള്ള പ്രയോജനങ്ങൾ എന്തൊക്കെയാണ്?
• പൂവിൽ നിന്ന് ഫലം ഉണ്ടാകുന്നു 
• ഫലത്തിനുള്ളിൽ വിത്തുണ്ടാകുന്നു 
• വിത്തിൽ നിന്ന് പുതിയ ചെടി ഉണ്ടാകുന്നു 

♦ എങ്ങനെയാണ് പൂവിൽനിന്ന് ഫലവും വിത്തും ഉണ്ടാകുന്നത്?
പ്രത്യുൽപാദനം വഴിയാണ് പൂവിൽ നിന്ന് ഫലവും വിത്തുമുണ്ടാകുന്നത്. 

♦ ഏതൊക്കെയാണ് പൂവിന്റെ പ്രത്യുൽപാദനഭാഗങ്ങൾ?
ആൺ പ്രത്യുൽപാദനാവയവം : കേസരപുടം 
പെൺ പ്രത്യുൽപാദനാവയവം : ജനിപുടം 

♦ കേസരപുടം: കേസരങ്ങൾ ചേർന്നതാണ് കേസരപുടം. കേസരത്തിന് തന്തുകം (Filament), പരാഗി (Anther) എന്നീ ഭാഗങ്ങളുണ്ട്. പരാഗിയിലെ അറകളിലാണ് പരാഗരേണുക്കൾ (Pollen grains) ഉള്ളത്. പുംബീജത്തെ (ആൺബീജകോശം) വഹിക്കുന്ന ഭാഗങ്ങളാണ് പരാഗരേണുക്കൾ.

♦ ജനിപുടം: പൂവിന്റെ പെൺപ്രത്യുൽപാദന ഭാഗമാണ് ജനിപുടം. ജനിയിൽ പരാഗണ സ്ഥലം (Stigma), ജനിദണ്ഡ് (Style), അണ്ഡാശയം (Ovary) എന്നീ ഭാഗങ്ങളുണ്ട്. അണ്ഡാശയത്തിനുള്ളിലെ ഓവ്യൂളിനുള്ളിലാണ് അണ്ഡം അഥവാ പെൺബീജകോശം കാണപ്പെടുന്നത്.
 
♦ താഴെക്കൊടുത്തിട്ടുള്ള ചിത്രങ്ങൾ നിരീക്ഷിച്ച് കേസരത്തിന്റെയും ജനിയുടെയും ഭാഗങ്ങൾ അടയാളപ്പെടുത്തുക.
♦ ഏതൊക്കെ ഭാഗങ്ങൾ ചേർന്നതാണ് കേസരം?
തന്തുകം, പരാഗി 
 
♦ പരാഗരേണുക്കൾ കാണപ്പെടുന്നത് എവിടെയാണ്? .
പരാഗിയിലെ അറകളിലാണ് പരാഗരേണുക്കൾ ഉള്ളത്.

♦ ജനിയുടെ ഭാഗങ്ങൾ ഏതെല്ലാമാണ്?
ജനിയിൽ പരാഗണ സ്ഥലം, ജനിദണ്ഡ് , അണ്ഡാശയം എന്നീ ഭാഗങ്ങളുണ്ട്. 

♦ പെൺബീജം കാണപ്പെടുന്നത് എവിടെയാണ്?
അണ്ഡാശയത്തിനുള്ളിലെ ഓവ്യൂളിനുള്ളിലാണ് അണ്ഡം അഥവാ പെൺബീജകോശം കാണപ്പെടുന്നത്.

♦ ഒരു ചെമ്പരത്തിപ്പൂവിന്റെ ഛേദം വ്യക്തമാക്കുന്ന ചിത്രമാണ് ചുവടെ നൽകിയിട്ടുള്ളത്. അതിൽ ഭാഗങ്ങൾ അടയാളപ്പെടുത്തൂ.
♦ വെണ്ടയുടെ പൂക്കളും മത്തൻ പൂക്കളും നിരീക്ഷിക്കൂ. അവയുടെ കേസരപുടം, ജനിപുടം എന്നീ ഭാഗങ്ങൾ കണ്ടെത്തൂ. രണ്ട് പൂക്കളിലും കേസരപുടവും ജനിപുടവും ഒരേ പൂവിൽ ത്തന്നെയാണോ കാണുന്നത്? രണ്ടു പൂക്കളും ഇക്കാര്യത്തിൽ എങ്ങനെ വ്യത്യാസപ്പെട്ടിരിക്കുന്നു? നിങ്ങളുടെ കണ്ടെത്തലുകൾ പട്ടികപ്പെടുത്തൂ.
പൂവ്   നിരീക്ഷണങ്ങൾ  
വെണ്ട കേസരപുടവും ജനിപുടവും ഒരേ പൂവിൽ കാണുന്നു
മത്തൻ  കേസരപുടവും ജനിപുടവും വ്യത്യസ്ത പൂക്കളിൽ കാണുന്നു 
♦ ഏകലിംഗപുഷ്പങ്ങളും ദ്വിലിംഗ പുഷ്പങ്ങളും
• കേസരപുടം, ജനിപുടം ഇവയിൽ ഏതെങ്കിലും ഒന്നുമാത്രം കാണപ്പെടുന്ന പൂക്കളാണ് ഏകലിംഗപുഷ്പങ്ങൾ (Unisexual flowers).
ഉദാ: മത്തൻ

• ഒരു പൂവിൽ തന്നെ കേസരപുടവും ജനിപുടവും കാണപ്പെടുന്നതാണ് ദ്വിലിംഗപുഷ്പങ്ങൾ (Bisexual flowers).
ഉദാ: വെണ്ട 

♦ നിങ്ങളുടെ ചുറ്റുപാടുമുള്ള പൂക്കൾ നിരീക്ഷിച്ച് ഏകലിംഗപുഷ്പങ്ങളെയും ദ്വിലിംഗപുഷ്പങ്ങളെയും കണ്ടെത്തി ശാസ്ത്രപുസ്തകത്തിൽ എഴുതൂ. ക്ലാസിൽ അവതരിപ്പിക്കൂ.
ഏകലിംഗപുഷ്പങ്ങൾ  ദ്വിലിംഗപുഷ്പങ്ങൾ  
പാവൽ ചെമ്പരത്തി 
മത്തൻ  അരളി 
കുമ്പളം ശംഖുപുഷ്പം  
വെള്ളരി തക്കാളി
♦ ഏകലിംഗസസ്യങ്ങളും ദ്വിലിംഗസസ്യങ്ങളും (Dioecious Plants & Monoecious Plants) 
• ആൺപൂക്കളും പെൺപൂക്കളും വെവ്വേറെ സസ്യങ്ങളിലാണ് കാണുന്നതെങ്കിൽ അത്തരം സസ്യങ്ങളെ ഏകലിംഗസസ്യങ്ങൾ എന്ന് പറയുന്നു. ഏകലിംഗസസ്യങ്ങൾക്ക് ഉദാഹരണങ്ങളാണ് ഈന്തപ്പന, കുടംപുളി, ജാതി, പപ്പായ എന്നിവ. 
• ഒരു സസ്യത്തിൽത്തന്നെ ആൺപൂക്കളും പെൺപൂക്കളും കാണപ്പെടുന്ന സസ്യങ്ങളാണ് ദ്വിലിംഗസസ്യങ്ങൾ. വെള്ളരി, മത്തൻ, കുമ്പളം, പടവലം, തെങ്ങ് തുടങ്ങിയവ ദ്വിലിംഗസസ്യങ്ങളാണ്.

♦ എന്താണ് പരാഗണം?
പരാഗിയിൽ നിന്ന് പരാഗരേണുക്കൾ പരാഗണസ്ഥലത്ത് പതിക്കുന്നതാണ് പരാഗണം.
♦ പ്രാണികളും പക്ഷികളും പൂക്കളിലേക്ക് ആകർഷിക്കപ്പെടാനുള്ള കാരണങ്ങൾ എന്തൊക്കെയാണ്?
തേനും പൂമ്പൊടിയും ലഭിക്കുന്നതിന് വേണ്ടിയാണ് പ്രാണികളും പക്ഷികളും പ്രധാനമായും പൂക്കളിലേക്ക് ആകർഷിക്കപ്പെടുന്നത്.

♦ ഇവ പൂക്കളിൽ നിന്ന് തേൻ കുടിക്കുന്നത് കൊണ്ട് പൂക്കൾക്ക് എന്താണ് പ്രയോജനം? പൂക്കളിൽ പരാഗണം നടത്താൻ ഇവ സഹായിക്കുന്നുണ്ടോ? 
പ്രാണികളും പക്ഷികളും പൂക്കളിൽ നിന്ന് തേൻ ശേഖരിക്കുമ്പോൾ, അവ ഒരു പൂവിൽ നിന്ന് മറ്റൊന്നിലേക്ക് പരാഗരേണുക്കൾ കൊണ്ടുപോകുകയും പരാഗണത്തെ സഹായിക്കുകയും ചെയ്യുന്നു.

♦ ഈ രീതിയിൽ പരാഗണം നടത്തുന്ന സസ്യങ്ങളിൽ പരാഗണകാരികളെ ആകർഷിക്കുന്നതിന് നിറം, തേൻ, മണം തുടങ്ങിയ ഘടകങ്ങൾ ആവശ്യമുണ്ടോ?
• നിറമുള്ള പൂക്കൾ പക്ഷികളെയും മറ്റ് പ്രാണികളെയും ആകർഷിക്കുന്നു 
• ചില പൂക്കൾക്ക് പ്രാണികളെ ആകർഷിക്കാൻ സുഗന്ധമുണ്ട്.
• ചില പൂക്കളിലെ ദുർഗന്ധം ഈച്ചകളെ ആകർഷിക്കുന്നു.
• പരാഗണകാരികളെ ആകർഷിക്കാൻ ചെറിയ പൂക്കൾ പൂങ്കുലകളായി വളരുന്നു.
• ചില പൂക്കൾക്ക് ചുറ്റുമുള്ള ഇലകൾ നിറം മാറുകയും പരാഗണകാരികളെ  ആകർഷിക്കാൻ പൂവിനെപ്പോലെ പോലെ കാണപ്പെടുകയും ചെയ്യുന്നു.

♦ ഏതെല്ലാം പരാഗണകാരികളെയാണ് നിങ്ങൾ ഇതുവരെ പരിചയപ്പെട്ടത് ?
• പ്രാണികൾ
• പക്ഷികൾ
• ജലം 
• കാറ്റ്

♦ പരാഗണകാരികൾക്ക് ഒരു നിർവചനം രൂപീകരിക്കൂ.
പരാഗണത്തെ സഹായിക്കുന്ന ഘടകങ്ങളെ പരാഗണകാരികൾ എന്ന് വിളിക്കുന്നു.

♦ ചിത്രങ്ങൾ നിരീക്ഷിച്ച് ഏതെല്ലാം രീതിയിലാണ് പരാഗണം നടക്കാൻ സാധ്യതായുള്ളതെന്ന് മനസ്സിലാക്കൂ.
ഒന്നാമത്തെ ചിത്രത്തിൽ, ഒരു പൂവിന്റെ പരാഗരേണുക്കൾ അതേ പൂവിന്റെ പരാഗണ സ്ഥലത്ത് തന്നെയല്ലേ പതിക്കുന്നത് ? രണ്ടാമത്തെ ചിത്രത്തിൽ എന്താണ് സംഭവിക്കുന്നത്? മൂന്നാമത്തെ ചിത്രത്തിലോ? 
• ചിത്രം 1: പരാഗരേണുക്കൾ അതേ പൂവിൽ പതിക്കുന്നു.
• ചിത്രം 2: പരാഗരേണുക്കൾ അതേ ചെടിയുടെ മറ്റൊരു പൂവിൽ പതിക്കുന്നു.
• ചിത്രം 3: പരാഗരേണുക്കൾ അതേവർഗ്ഗത്തിൽപ്പെട്ട മറ്റൊരു ചെടിയുടെ പൂവിൽ പതിക്കുന്നു.

♦ സ്വപരാഗണം
ഒരേ പൂവിലെ പരാഗണരേണുക്കൾ അതേ പൂവിന്റെ പരാഗണസ്ഥലത്തോ അതേ ചെടിയിലെ മറ്റൊരു പൂവിന്റെ പരാഗണസ്ഥലത്തോ പതിക്കുന്നതാണ് സ്വപരാഗണം.

♦ പരപരാഗണം
ഒരു പൂവിൽ നിന്ന് പരാഗണരേണുക്കൾ അതേ വർഗത്തിൽപ്പെട്ട മറ്റൊരു ചെടിയുടെ പൂവിന്റെ പരാഗണസ്ഥലത്ത് പതിക്കുന്നതാണ് പരപരാഗണം.

♦ നിങ്ങൾ നിരീക്ഷിച്ച ചിത്രങ്ങളിൽ, ഏതൊക്കെ പൂക്കളിലാണ് സ്വപരാഗണം നടക്കുന്നത്? ഏത് പൂവിലാണ് പരപരാഗണം നടക്കുന്നത്? കണ്ടെത്തി എഴുതുക. 
• ചിത്രം 1: സ്വപരാഗണം 
• ചിത്രം 2: സ്വപരാഗണം 
• ചിത്രം 3: പരപരാഗണം

♦ പരാഗണവുമായി ബന്ധപ്പെട്ട് താഴെ നൽകിയിരിക്കുന്ന പ്രസ്താവനകൾ വിശകലനം ചെയ്യുക. ശരിയായതിന് നേരെ (✓) ചെയ്യൂ. 
• ഏകലിംഗസസ്യങ്ങളിൽ പരപരാഗണം മാത്രം നടക്കുന്നു. (✓) 
• ദ്വിലിംഗസസ്യങ്ങളിൽ പരപരാഗണം മാത്രമാണ് നടക്കുന്നത് (X) 
• ദ്വിലിംഗപുഷ്പങ്ങളിൽ സ്വപരാഗണവും പരപരാഗണവും നടക്കുന്നു. (✓)

♦ പരാഗണത്തിനുശേഷം പരാഗരേണുവിന് എന്ത് സംഭവിക്കുന്നു?
പരാഗണത്തിനുശേഷം, പരാഗരേണു ജനിദണ്ഡിലൂടെ അണ്ഡാശയത്തിലേക്ക് ഒരു നാളിയായി വളരുന്നു.
♦ പരാഗരേണുവിലെ പുംബീജം അണ്ഡാശയത്തിൽ എത്തുന്നത് എങ്ങനെയാണ്?
ജനിദണ്ഡിലൂടെ പുംബീജം അണ്ഡാശയത്തിലെത്തി അണ്ഡവുമായി കൂടിച്ചേരുന്നു.

♦ എന്താണ് ബീജസങ്കലനം?
പുംബീജം അണ്ഡവുമായി ചേർന്ന് സിക്താണ്ഡമാകുന്ന പ്രക്രിയയാണ് ബീജസങ്കലനം.

♦ ബീജസങ്കലനം നടന്ന അണ്ഡം ഏത് പേരിലാണ് അറിയപ്പെടുന്നത്?
ബീജസങ്കലനം നടന്ന അണ്ഡം സിക്താണ്ഡം എന്നറിയപ്പെടുന്നു.

♦ ബീജസങ്കലനത്തിനു ശേഷം തക്കാളിയുടെ പൂവിനുണ്ടാകുന്ന മാറ്റങ്ങളാണ് ചിത്രത്തിൽ കാണുന്നത്.
ചിത്രം വിശകലനം ചെയ്ത് താഴെപ്പറയുന്ന ഭാഗങ്ങൾക്കുണ്ടാകുന്ന മാറ്റങ്ങൾ കണ്ടെത്തുക. 
• ദളങ്ങൾ - കൊഴിഞ്ഞുപോകുന്നു 
• കേസരപുടം - പരാഗണത്തിനുശേഷം വാടിപ്പോകുകയും കൊഴിഞ്ഞുപോകുകയും ചെയ്യുന്നു.
• പൂഞെട്ട് - കൂടുതൽ ദൃഢമാവുകയും ഫലത്തെ താങ്ങുകയും ചെയ്യുന്നു.
• അണ്ഡാശയം - പഴമായിമാറുന്നു 
• വിദളങ്ങൾ - കൊഴിഞ്ഞുപോകുകയോ പഴത്തിന്റെ ഭാഗമായി തുടരുകയോ ചെയ്യുന്നു..

♦ ബീജസങ്കലനത്തിനു ശേഷം എല്ലാ പൂക്കളിലും എന്ത് മാറ്റമാണ് സംഭവിക്കുന്നത്?
ബീജസങ്കലനത്തിനു ശേഷം സിക്താണ്ഡം ഭ്രൂണമായും, അണ്ഡം വിത്തായും, അണ്ഡാശയം ഫലമായും മാറുന്നു.

♦ എന്താണ് ലഘുഫലം?
ഒരു അണ്ഡാശയം മാത്രമുള്ള ഒരു പൂവിൽ നിന്ന് ഒരു ഫലം മാത്രമുണ്ടാകുന്നതാണ് ലഘുഫലം.
ഉദാ: പാവൽ, മാങ്ങ, വെണ്ട, പയർ, പപ്പായ 

♦ എന്താണ് പുഞ്ജഫലങ്ങൾ?
ഒരു പൂവിൽ ഒന്നിലധികം അണ്ഡാശയങ്ങൾ ഉണ്ടെങ്കിൽ ഒന്നിലധികം ഫലങ്ങളും ഉണ്ടാകും. ഒന്നിലധികം അണ്ഡാശയങ്ങളുള്ള ഒരു പൂവിൽ നിന്ന് ഉണ്ടാകുന്ന ഫലങ്ങളാണ് പുഞ്ജഫലങ്ങൾ (Aggregate Fruits).
ഉദാ: സീതപ്പഴം, ബ്ലാക്ക്‌ബെറി, അരണമരക്കായ്

♦ സംയുക്ത ഫലം എന്നാലെന്താണ് ?
ഒരു പൂങ്കുലയിൽ ഉണ്ടാകുന്ന ഒന്നിലധികം ഫലങ്ങൾ കൂടിച്ചേർന്ന് ഒറ്റ ഫലം ആകുന്നതാണ് സംയുക്ത ഫലം. 
ഉദാ: കൈതച്ചക്ക, ആഞ്ഞിലിച്ചക്ക, ശീമച്ചക്ക

♦ എന്താണ് കപടഫലങ്ങൾ?
സാധാരണ പൂക്കളിൽ അണ്ഡാശയം വളർന്നാണ് ഫലം ഉണ്ടാകുന്നത്. ചില സസ്യങ്ങളിൽ അണ്ഡാശയം അല്ലാതെ പൂവിലെ മറ്റു ഭാഗങ്ങളും ഫലമായി മാറുന്നു. ഇവയാണ് കപടഫലങ്ങൾ. 
ഉദാ: കശുമാങ്ങയിൽ പൂഞെട്ട് വളർന്നാണ് ഫലമാകുന്നത്.
ആപ്പിളിലും, സബർജെല്ലിയിലും പുഷ്പാസനം വളർന്ന് ഫലമായി മാറുന്നു.

♦ താഴെതന്നിരിക്കുന്ന ഫലങ്ങൾ തരംതിരിച്ച് പട്ടികപ്പെടുത്തുക. 
മാങ്ങ, കൈതച്ചക്ക, പപ്പായ, സീതപ്പഴം, കശുമാങ്ങ, സ്ട്രോബെറി, പേരയ്ക്ക, ചാമ്പക്ക, അരണമരക്കായ, ആപ്പിൾ, ശീമച്ചക്ക, ചക്ക 
♦ പൂക്കൾ കൊണ്ട് നമുക്ക് എന്തെല്ലാം പ്രയോജനങ്ങളുണ്ട്? താഴെക്കൊടുത്തിരിക്കുന്ന പദസൂര്യൻ പൂർത്തിയാക്കൂ.
♦ എന്താണ് ഫ്ളോറികൾച്ചർ?
പൂച്ചെടികൾ, അലങ്കാരസസ്യങ്ങൾ എന്നിവ വാണിജ്യാടിസ്ഥാനത്തിൽ ഉൽപാദിപ്പിച്ച് വളർത്തി പരിപാലിക്കുന്നതാണ് പുഷ്പകൃഷി അഥവാ ഫ്ലോറികൾച്ചർ.
♦ പൂക്കളുടെ ഉപയോഗങ്ങൾ എന്തെല്ലാമാണ് ?.
• പരിസ്ഥിതിയെ മനോഹരമാക്കുന്നു
• പരാഗണകാരികളെ സഹായിക്കുന്നു 
• മാനസികോല്ലാസം നൽകുന്നു  
• വരുമാനം ഉണ്ടാക്കുന്നു
• ടൂറിസത്തെ പ്രോത്സാഹിപ്പിക്കുന്നു
• സുഗന്ധദ്രവ്യങ്ങളിലും സൗന്ദര്യവർദ്ധക വസ്തുക്കളിലും ഉപയോഗിക്കുന്നു
• സാംസ്കാരികവും മതപരവുമായ പ്രാധാന്യം
• പരിസ്ഥിതി സൗഹൃദ കൃഷി പ്രോത്സാഹിപ്പിക്കുന്നു
• ആഘോഷങ്ങളിൽ ഉപയോഗിക്കുന്നു
• ഔഷധങ്ങൾ ഉണ്ടാക്കുന്നതിന്
• തൊഴിലവസരങ്ങൾ 
• പണത്തിന് വിൽക്കാം
• ചായങ്ങളും എണ്ണകളും നിർമ്മിക്കാൻ ഉപയോഗിക്കുന്നു

♦ വാണിജ്യാവശ്യങ്ങൾക്കായി വളർത്തുന്ന പൂച്ചെടികൾ ഏതെല്ലാമാണ്?
• റോസ്
• ആന്തൂറിയം
• താമര
• മുല്ല 
• ഓർക്കിഡ്
• ജമന്തി
• സൂര്യകാന്തി
• അരളി 
• തെച്ചി 

വിലയിരുത്താം
1. മാവ്, വാഴ, പ്ലാവ് എന്നീ സസ്യങ്ങളുടെ പൂവ്, ഫലം എന്നിവ താരതമ്യം ചെയ്ത് വ്യത്യാസങ്ങൾ എഴുതുക.
ഉത്തരം: 
2. താഴെപ്പറയുന്നവയിൽ തെങ്ങുമായി യോജിക്കാത്ത പ്രസ്താവന ഏത്?
a) ഒരു ദിലിംഗ സസ്യമാണ്.
b) തെങ്ങിൽ ആൺപൂക്കളും പെൺപൂക്കളും പ്രത്യേകം പ്രത്യേകമായി കാണപ്പെടുന്നു.
c) പെൺപൂക്കളിൽനിന്നാണ് തേങ്ങ ഉണ്ടാകുന്നത്.
d) കേസരപുടം, ജനിപുടം എന്നിവ ഒരേ പൂവിൽ കാണപ്പെടുന്നു. 
ഉത്തരം: d) കേസരപുടം, ജനിപുടം എന്നിവ ഒരേ പൂവിൽ കാണപ്പെടുന്നു. 

3. ശരിയായവ തമ്മിൽ വരച്ച് യോജിപ്പിക്കുക.


TEACHING APTITUDE TEST (K-TET, C-TET, etc.) ---> Click here