Class 9 Biology: Chapter 01 ജീവമണ്ഡലത്തിന്റെ സംരക്ഷകർ - ചോദ്യോത്തരങ്ങൾ
Study Notes for Class 9th Biology: Protectors of Biosphere | Text Books Solution Biology: ജീവശാസ്ത്രം: അദ്ധ്യായം 01 ജീവമണ്ഡലത്തിന്റെ സംരക്ഷകർ
SCERT Solutions for Std IX Biology Chapterwise
Class 9 Biology Questions and Answers - Chapter 1: ജീവമണ്ഡലത്തിന്റെ സംരക്ഷകര്‍
1. ജീവലോകത്തിന്‌ സസ്യങ്ങള്‍ നല്‍കുന്ന പ്രധാന സേവനങ്ങള്‍ ?
• ആഹാരം തരുന്നു.
• ഓക്സിജന്‍ തരുന്നു.
• CO₂ ആഗിരണം ചെയ്ത്‌ ഓക്സിജന്‍ പുറത്തുവിടുന്നതിലൂടെ വായു ശുദ്ധീകരിക്കുന്നു.
• CO₂ ആഗിരണം ചെയ്യുന്നതിലൂടെ ആഗോളതാപനം കുറയ്ക്കാന്‍ സഹായകമാവുന്നു.
• അന്തരീക്ഷം തണുപ്പിക്കുന്നു.
2. അന്തരീക്ഷത്തില്‍ ഓക്സിജന്റെയും കാര്‍ബണ്‍ ഡൈ ഓക്സൈഡിന്റെയും അളവ്‌ നിയന്ത്രിക്കാന്‍ സഹായകമായ സസ്യങ്ങളുടെ പ്രവര്‍ത്തനം ?
- പ്രകാശസംശ്ലേഷണം.
3. സസ്യങ്ങള്‍ ------------ എന്ന പ്രക്രിയയിലൂടെ സൗരോര്‍ജം രാസോര്‍ജമാക്കി ആഹാര തന്‍മാത്രകളില്‍ സംഭരിച്ചുവയ്ക്കുന്നത്‌ ജന്തുക്കള്‍ക്കും ഗുണകരമാണ്‌.
- പ്രകാശസംശ്ലേഷണം.
4. എന്താണ്‌ പ്രകാശസംശ്ലേഷണം ?
- സൂര്യപ്രകാശത്തിന്റെ സഹായത്താല്‍ ഹരിതസസ്യങ്ങള്‍ ജലവും കാര്‍ബണ്‍ ഡൈ ഓക്സൈഡും ഉപയോഗിച്ച്‌ ആഹാരം നിര്‍മിക്കുന്ന പ്രക്രിയ.”
5. പ്രകാശസംശ്ലേഷണ അവയവം ? ജീവമണ്ഡലത്തിലെ പാചകപ്പുര ?
- ഇല.
6. മുകള്‍ഭാഗത്തെ അപേക്ഷിച്ച്‌, ഇലയുടെ അടിവശത്തിന്‌ പച്ചനിറം കുറവായി കാണപ്പെടുന്നതെന്തുകൊണ്ട്‌ ?
- ഹരിതകം അടങ്ങിയ കോശാംഗങ്ങള്‍ (ഹരിതകണങ്ങള്‍) ഇലയുടെ അടിഭാഗത്തേക്കാള്‍ കൂടുതല്‍ കാണുന്നത്‌ മുകള്‍ഭാഗത്തായാണ്‌.
7. പ്രകാശസംശ്ലേഷണത്തിനാവശ്യമായ ഘടകങ്ങള്‍ ?
• സൂര്യപ്രകാശം - (ജലതന്‍മാത്രകളെ വിഘടിപ്പിച്ച്‌ ഹൈഡ്രജനും ഓക്സിജനുമാക്കി മാറ്റുന്നതിന്‌ )
• ഹരിതകം പോലെയുള്ള വര്‍ണകം - (സൂര്യപ്രകാശത്തെ ആഗിരണം ചെയ്യുന്നതിന്‌ )
• ജലം, കാര്‍ബണ്‍ ഡൈ ഓക്സൈഡ് (ആഹാരം /ഗ്ലൂക്കോസ്‌ ആയിത്തീരുന്നതിന്‌ )
• ധാതുലവണങ്ങള്‍ - (ആഹാരം /ഗ്ലൂക്കോസ്‌ ആയിത്തീരുന്നതിന്‌ )
8. സൂര്യപ്രകാശത്തെ ആഗിരണം ചെയ്യുന്ന വര്‍ണ്ണകങ്ങള്‍ ?
• പ്രധാനമായും ഹരിതകം a - (നീല കലര്‍ന്ന പച്ച)
• സഹായക വര്‍ണ്ണകങ്ങളായ ഹരിതകം b (മഞ്ഞ കലര്‍ന്ന പച്ച), കരോട്ടിന്‍ (മഞ്ഞ കലര്‍ന്ന ഓറഞ്ച്‌, സാന്തോഫില്‍ (മഞ്ഞ ).
9. ചില വര്‍ണകങ്ങളെ സഹായക വര്‍ണ്ണകങ്ങള്‍ എന്നുപറയുന്നതെന്തുകൊണ്ടാണ്‌?
- അവ ആഗിരണംചെയ്യുന്ന പ്രകാശോര്‍ജത്തെ ഹരിതകം- a യിലേക്ക്‌ കൈമാറുകയാണ്‌ ചെയ്യുന്നത്‌.
10. ഹരിതകണത്തിന്റെ ഘടന ?
- പ്രകാശസംശ്ലേഷണത്തിനു സഹായിക്കുന്ന ഹരിതകണം ഇരട്ട സ്തരഭിത്തിയുള്ള കോശാംഗമാണ്‌. സ്ട്രോമ എന്ന ദ്രവവും അതില്‍ ഗ്രാന എന്ന അടുക്കുകളായി കാണപ്പെടുന്ന സ്തരസഞ്ചികളും ഹരിതകണത്തില്‍ കാണപ്പെടുന്നു. വര്‍ണകങ്ങള്‍ ഗ്രാനയിലാണ്‌ ഉള്ളത്‌.
11. പ്രകാശസംശ്ലേഷണത്തിന്റെ ഘട്ടങ്ങള്‍ ?
a) പ്രകാശഘട്ടം (പ്രകാശം ആവശ്യമുള്ള ഘട്ടം)
പ്രകാശോര്‍ജത്തെ ATP തന്‍മാത്രകളില്‍ രാസോര്‍ജമായി സംഭരിക്കുകയും ജല തന്‍മാത്രകളെ ഹൈഡ്രജനും ഓക്സിജനുമാക്കി വിഘടിപ്പിക്കുകയും ചെയ്യുന്നു. ഗ്രാനയിലാണ്‌ ഈ പ്രവര്‍ത്തനം നടക്കുന്നത്‌. ഈ ഘട്ടത്തില്‍ ഓക്സിജന്‍ പുറത്തുപോകുന്നു.
b) - ഇരുണ്ടഘട്ടം (പ്രകാശം ആവശ്യമില്ലാത്ത ഘട്ടം)
ATP യിലെ ഊര്‍ജമുപയോഗിച്ച്‌ ഹൈഡ്രജനും കാര്‍ബണ്‍ ഡൈഓക്സൈഡും ചേര്‍ന്ന്‌ ഗ്ലൂക്കോസ്‌ (അന്നജം) ഉണ്ടാകുന്ന പ്രക്രിയ. ഇത്‌ സ്‌ട്രോമയിലാണ്‌ നടക്കുന്നത്‌.
12. പ്രകാശസംശ്ലേഷണത്തിലെ ഇരുണ്ട ഘട്ടത്തെ 'കാല്‍വിന്‍ ചക്രം' എന്ന്‌ വിളിക്കുന്നതിനുള്ള കാരണം ?
- മെല്‍വിന്‍ കാല്‍വിന്‍ എന്ന ശാസ്ത്രജ്ഞനാണ്‌ ഇരുണ്ട ഘട്ടത്തിലെ രാസ പ്രക്രിയകള്‍ കണ്ടെത്തിയത്‌. ഇതിലൂടെ 1961 ലെ നോബല്‍സമ്മാനം ഇദ്ദേഹത്തിനു ലഭിച്ചു.
13. പ്രകാശസംശ്ലേഷണഫലമായിഉണ്ടാകുന്ന ഗ്ലൂക്കോസിനെ സസ്യങ്ങള്‍ അന്നജമാക്കിമാറ്റുന്നു. കാരണം ?
- ജലത്തില്‍ ലയിക്കുന്ന ഗ്ലൂക്കോസ്‌ സംഭരിച്ചുവെക്കുന്നതിനു വേണ്ടിയാണ്‌ അലേയമായ അന്നജമാക്കി മാറ്റുന്നത്‌.
14. സൂക്രോസ്‌ ആയിമാറ്റപ്പെടുന്ന അന്നജം സംഭരണത്തിനായി സൂക്രോസ്‌ രൂപത്തില്‍ ---------- കുഴലുകള്‍ കൊണ്ടുപോകുന്നു.
- ഫ്ളോയം കുഴലുകള്‍.
15. സസ്യങ്ങള്‍ നിര്‍മിക്കുന്ന ഗ്ലൂക്കോസ്‌, ഉപാപചയപ്രവര്‍ത്തനങ്ങളിലൂടെ ഏതെല്ലാം വിധത്തിലാണ്‌ സംഭരിക്കപ്പെടുന്നത്‌ ?
16. സാമ്പത്തിക പ്രാധാന്യമുള്ള സസ്യവിഭവങ്ങള്‍ക്ക്‌ ഉദാഹരണം നല്‍കുക.
- കാപ്പി, കൊക്കോ, കുരുമുളക്‌, റബര്‍, ഏലം ...
17. സൗരോര്‍ജത്തിന്റെ സഹായമില്ലാതെ ചില ജീവികള്‍ രാസ സംയുക്തങ്ങളില്‍ നിന്നും ഊര്‍ജം ഉല്‍പാദിപ്പിക്കുന്ന പ്രക്രിയ ?
- രാസസംശ്ലേഷണം. ( ഉദാ:- സള്‍ഫര്‍ ബാക്ടീരിയ രാസസംശ്ലേഷണത്തിലൂടെ ഊര്‍ജം നേടുന്നു).
18. അന്തരീക്ഷത്തിലെ 70-80% ഓക്സിജനും ലഭിക്കുന്നത്‌ സമുദ്രജലത്തിലെ ---------- പ്രകാശസംശ്ലേഷണം നടത്തുന്നതുവഴിയാണ്‌.
- സമുദ്ര ആല്‍ഗകളും മറ്റു സസ്യപ്ലവകങ്ങളും.
19. സമുദ്ര ആവാസവ്യവസ്ഥയിലെ മുഖ്യ ഉല്‍പാദകര്‍ ആര്‌ ?
- ആല്‍ഗകളും മറ്റു സസ്യപ്ലവകങ്ങളും.
20. പ്രകാശസംശ്ലേഷണം നടക്കുമ്പോള്‍ ഓക്സിജന്‍ പുറത്തുവരുന്നുവെന്ന്‌ തെളിയിക്കാനുള്ള ഒരു പരീക്ഷണം നിര്‍ദ്ദേശിക്കുക.
- ഹൈഡ്രില്ല പോലെയുള്ള ഏതെങ്കിലും ജലസസ്യത്തിന്റെ ഭാഗം ഗ്ലാസ്‌ ടംബ്ലറിലെ
ജലത്തിലിട്ട്‌ അതിനെ സുതാര്യമായ ഒരു ഫണല്‍കൊണ്ട്‌ മൂടുക. ഫണലിന്റെ വാല്‍ഭാഗം ജലം നിറച്ച ടെസ്റ്റ്ട്യൂബുകൊണ്ട്‌ മൂടുക. ടെസ്റ്റ്ട്യൂബിലെ ജലനിരപ്പ്‌ പൂര്‍ണമായിരിക്കരുത്‌. (ചിത്രം കാണുക).
ഈ സംവിധാനം ഒരു മണിക്കൂറോളം വെയിലത്ത്‌ വയ്ക്കുക. വായു കുമിളകള്‍ ഉയര്‍ന്ന്‌ ടെസ്റ്റ്ട്യൂബിലെ ജലനിരപ്പിനു മുകളിലേക്കു പോകുന്നതു കാണാം. ഈ വാതകം ഓക്സിജനാണ്‌.
21. സസ്യങ്ങളെ 'ഭൂമിയുടെ ശ്വാസകോശങ്ങള്‍' എന്ന്‌ വിശേഷിപ്പിക്കുന്നതിനു കാരണമെന്ത്‌ ?
- CO₂ ആഗിരണം ചെയ്ത്‌ ഓക്സിജന്‍ പുറത്തുവിടുന്നതിലൂടെ വായു ശുദ്ധീകരിക്കുന്നത്‌ സസ്യങ്ങളാണ്‌.
22. പ്രകൃതിദുരന്തങ്ങള്‍ ലഘൂകരിക്കാന്‍ സസ്യങ്ങള്‍ സഹായകരമാവുന്നതെങ്ങനെയെന്ന്‌ ഉദാഹരിക്കുക.
- കണ്ടല്‍വനങ്ങള്‍ സുനാമി പോലെയുള്ളവയെ ചെറുക്കുന്നു. മുളങ്കാടുകള്‍, ആറ്റുദര്‍ഭ, രാമച്ചം, ഇഞ്ചിപ്പുല്ല്‌ മുതലായ സസ്യങ്ങള്‍ നദീതീരം ഇടിയാതെയും മേല്‍മണ്ണ്‌ ഒലിച്ചുപോകാതെയും നോക്കുന്നു.
23. ആഗോളതാപനം കുറയ്ക്കാനുള്ള ബോധവല്‍ക്കരണത്തിനായി ഉചിതമായ മുദ്രാവാക്യങ്ങള്‍ രചിക്കുക.
• മരങ്ങള്‍ - ആഗോളതാപനത്തിനുള്ള പ്രതിവിധി.
• കാര്‍ബണ്‍മുക്ത ലോകത്തിനായ്‌ ഹരിതാഭ സംരക്ഷിക്കൂ.
24. "സസ്യങ്ങള്‍ ഭൂമിയുടെ ശ്വാസകോശങ്ങളാണ്”. ഈ പ്രസ്താവന വിലയിരുത്തി നിങ്ങളുടെ അഭിപ്രായം സാധൂകരിക്കുക
• പ്രകാശസംശ്ലേഷണത്തില്‍ ഹരിതസസ്യങ്ങള്‍ CO₂ ഉപയോഗപ്പെടുത്തുകയും O₂ പുറന്തള്ളുകയും ചെയ്യുന്നു.
• അന്തരീക്ഷവായുവിലെ CO₂ – O₂ അനുപാതം സ്ഥിരമായി നിലനിര്‍ത്താന്‍ സഹായിക്കുന്നു.
👉 Quiz
PSC Solved Question Papers ---> Click here
PSC TODAY's EXAM RESULTS ---> Click here
PSC EXAM PROGRAMME -> Click here
CURRENT AFFAIRS QUESTIONS -> Click here
PSC Degree Level Questions & Answers - Click here
PSC 10th, +2 Level Questions & Answers - Click here
PSC SHORTLISTS -> Click here
PSC RANK LISTS -> Click here
 Chapter 01 ജീവമണ്ഡലത്തിന്റെ സംരക്ഷകര്‍){kind=link}
0 Comments