Kerala Syllabus Class 5 അടിസ്ഥാനശാസ്ത്രം: Chapter 04 ജീവനുള്ള വിത്തുകൾ - ചോദ്യോത്തരങ്ങൾ | Teaching Manual 


Questions and Answers for Class 5 Basic Science (Malayalam Medium) Seeds of Life | Text Books Solution Basic Science (Malayalam Medium) Chapter 04 ജീവനുള്ള വിത്തുകൾ. ഈ യൂണിറ്റിന്റെ Teachers Manual & Teachers Handbook എന്നിവയുടെ ലിങ്ക് ഈ പേജിന്റെ അവസാന ഭാഗത്തു നൽകിയിട്ടുണ്ട്.

ഈ ബ്ലോഗ് ഉടമയുടെ രേഖാമൂലമുള്ള അനുമതിയില്ലാതെ ഈ ബ്ലോഗിൽ നൽകിയിരിക്കുന്ന ചോദ്യോത്തരങ്ങൾ, ഇതേരീതിയിലോ പി.ഡി.എഫ് രൂപത്തിലോ, മറ്റേതെങ്കിലും ഡിജിറ്റലോ, പ്രിന്റഡ് ഉൾപ്പെടെയുള്ള ഏതെങ്കിലും രൂപങ്ങളിലേക്കോ മാറ്റി മറ്റൊരു വെബ്സൈറ്റിലോ, ബ്ലോഗിലോ, യുട്യൂബ്, സോഷ്യൽ മീഡിയാ ഗ്രൂപ്പുകളിലോ ഉൾപ്പെടെ ഒരിടത്തും പ്രചരിപ്പിക്കാൻ പാടില്ലാത്തതാകുന്നു.

ജീവനുള്ള വിത്തുകൾ - ചോദ്യോത്തരങ്ങൾ
♦ വിത്ത് മുളയ്ക്കാൻ ഏതെല്ലാം ഘടകങ്ങൾ ആവശ്യമാണ്? 
• വെള്ളം
• വായു
• അനുകൂലമായ താപനില

♦ വിത്ത് മുളയ്ക്കാൻ മണ്ണ് ആവശ്യമാണോ? പരീക്ഷണ കുറിപ്പ് എഴുതുക.
• ലക്ഷ്യം: വിത്ത് മുളയ്ക്കുന്നതിന് മണ്ണ് ആവശ്യമാണോ എന്ന് കണ്ടെത്തുക

• ആവശ്യമായ സാമഗ്രികൾ:
ഗ്ലാസ്, പയർവിത്തുകൾ, പഞ്ഞി, വെള്ളം

• പരീക്ഷണരീതി:
• ഗ്ലാസിൽ അല്പം നനഞ്ഞ പഞ്ഞിയെടുത്ത്  അതിനുള്ളിൽ പയർ വിത്തുകൾ വയ്ക്കുക.
• ഗ്ലാസ്സ് സൂര്യപ്രകാശം ലഭിക്കുന്ന സ്ഥലത്ത് തുറന്ന് വയ്ക്കുക.

• നിരീക്ഷണം:
അടുത്ത ദിവസം, വിത്തുകൾ മുളക്കും
വിത്തിന് ലഭിക്കുന്ന ഘടകം വിത്തിന് ലഭിക്കാത്ത ഘടകം 
• ജലം 
• വായു 
• സൂര്യപ്രകാശം 		• മണ്ണ് 

• നിഗമനം:
വിത്ത് മുളയ്ക്കുന്നതിന് മണ്ണ് ആവശ്യമില്ല

♦ വിത്ത് മുളയ്ക്കാൻ ജലം ആവശ്യമാണോ? പരീക്ഷണ കുറിപ്പ് എഴുതുക.
• ലക്ഷ്യം: വിത്ത് മുളയ്ക്കുന്നതിന് വെള്ളം ആവശ്യമാണോ എന്ന് കണ്ടെത്തുക

• ആവശ്യമായ സാമഗ്രികൾ:
ഗ്ലാസ്, ഉണങ്ങിയ മണ്ണ്, പയർ വിത്തുകൾ

• പരീക്ഷണരീതി:
ഒരു ഗ്ലാസ്സിൽ ജലാംശം തീരെയില്ലാത്ത മണ്ണ് എടുക്കുക. അതിൽ നാലോ അഞ്ചോ പയർ വിത്ത് ഇടുക. വിത്തുകൾക്ക് വായു, പ്രകാശം, അന്തരീക്ഷ താപം എന്നിവ ലഭിക്കണം.

• നിരീക്ഷണം:
വിത്തുകൾ മുളച്ചില്ല
വിത്തിന് ലഭിക്കുന്ന ഘടകം വിത്തിന് ലഭിക്കാത്ത ഘടകം 
• വായു 
• സൂര്യപ്രകാശം 
• മണ്ണ് 		• ജലം 

• നിഗമനം:
വിത്ത് മുളയ്ക്കുന്നതിന് വെള്ളം ആവശ്യമാണ്

♦ വിത്തു മുളയ്ക്കാൻ സൂര്യപ്രകാശം ആവശ്യമുണ്ടോ? പരീക്ഷണ കുറിപ്പ് എഴുതുക.
• ലക്ഷ്യം: വിത്ത് മുളയ്ക്കുന്നതിന് സൂര്യപ്രകാശം ആവശ്യമാണോ എന്ന് കണ്ടെത്തുക

• ആവശ്യമായ സാമഗ്രികൾ:
സ്റ്റീൽ ഗ്ലാസ്, മണ്ണ്, വെള്ളം, പയർ വിത്തുകൾ, കറുത്ത കാർഡ്ബോർഡ്

• പരീക്ഷണരീതി:
ഒരു സ്റ്റീൽ ഗ്ലാസിൽ കുറച്ച് മണ്ണ് ഇടുക. ഏതാനും പയർ വിത്തുകൾ ഇട്ട ശേഷം അല്പം വെള്ളം ഒഴിക്കുക. സൂര്യപ്രകാശം കടക്കാത്ത തരത്തിൽ കറുത്ത കാർഡ്ബോർഡ് ഉപയോഗിച്ച് ഗ്ലാസ് മൂടുക.

• നിരീക്ഷണം:
വിത്തുകൾ മുളക്കും
വിത്തിന് ലഭിക്കുന്ന ഘടകം വിത്തിന് ലഭിക്കാത്ത ഘടകം 
• വായു 
• ജലം 
• മണ്ണ് 		• സൂര്യപ്രകാശം 

• നിഗമനം:
വിത്ത് മുളയ്ക്കുന്നതിന് സൂര്യപ്രകാശം ആവശ്യമില്ല

♦ പരീക്ഷണം ചെയ്യാം
ഇതുവരെ ആസൂത്രണം ചെയ്ത പരീക്ഷണങ്ങൾ ചെയ്തുനോക്കാം. ഒരു ഗ്ലാസിൽ മണ്ണ്, വായു, ജലം, സൂര്യപ്രകാശം എന്നിവ ലഭിക്കുന്ന വിധം ചെറുപയർ വിത്ത് വയ്ക്കുക. മറ്റ് മൂന്നു ഗ്ലാസുകളിൽ മണ്ണ്, ജലം, സൂര്യപ്രകാശം എന്നിവയിൽ ഓരോന്ന് ലഭിക്കാത്തവിധം വിത്ത് വയ്ക്കുക.
ഓരോ ദിവസത്തെയും നിരീക്ഷണം ശാസ്ത്രപുസ്തകത്തിൽ എഴുതുക.
• ഗ്ലാസ് 1
ആദ്യ ദിവസം: വിത്തുകൾ കുതിർന്ന് വലുതാകാൻ തുടങ്ങുന്നു.
രണ്ടാം ദിവസം: വിത്തുകൾ മുളച്ചു തുടങ്ങും.
മൂന്നാം ദിവസം: മുളകൾ നീളത്തിൽ വളരുന്നു, ചെറിയ ഇലകൾ പ്രത്യക്ഷപ്പെടാൻ തുടങ്ങും.
നാലാം ദിവസം: പച്ച ഇലകളുള്ള ആരോഗ്യമുള്ള മുളകൾ.

• ഗ്ലാസ് 2
ആദ്യ ദിവസം: വിത്തുകൾ കുതിർന്ന് വലുതാകാൻ തുടങ്ങുന്നു.
രണ്ടാം ദിവസം: വിത്തുകൾ മുളച്ചു തുടങ്ങും.
മൂന്നാം ദിവസം: മുളകൾ നീളത്തിൽ വളരുന്നു, ചെറിയ ഇലകൾ പ്രത്യക്ഷപ്പെടാൻ തുടങ്ങും.
നാലാം ദിവസം: പച്ച ഇലകളുള്ള ആരോഗ്യമുള്ള മുളകൾ.

• ഗ്ലാസ് 3
ആദ്യ ദിവസം: വിത്തുകൾ വരണ്ടതായിരിക്കും.
രണ്ടാം ദിവസം: വിത്തുകൾ വരണ്ടതും പ്രതികരിക്കാത്തതുമായി തുടരുന്നു.
മൂന്നാം ദിവസം: വിത്തുകൾ മുളയ്ക്കാതെ ഉണങ്ങിയ നിലയിലാണ്.
നാലാം ദിവസം: വിത്തുകൾ വരണ്ടതും മാറ്റമില്ലാതെയും തുടരും.

• ഗ്ലാസ് 4
ആദ്യ ദിവസം: വിത്തുകൾ കുതിർന്ന് വലുതാകാൻ തുടങ്ങുന്നു.
രണ്ടാം ദിവസം: വിത്തുകൾ മുളച്ചു തുടങ്ങും.
മൂന്നാം ദിവസം: മുളകൾ നീളത്തിൽ വളരുന്നു.
നാലാം ദിവസം: മുളകൾക്ക് നീളം കൂടും.
♦ താഴെ പറയുന്ന ഘടകങ്ങളെ വിത്ത് മുളയ്ക്കുന്നതിന് ആവശ്യമായവയും ആവശ്യമില്ലാത്തവയുമായി തരംതിരിച്ച് ശാസ്ത്രപുസ്തകത്തിൽ രേഖപ്പെടുത്തുക.
• വായു
• അനുകൂല താപനില
• ജലം 
• വളം
• സൂര്യപ്രകാശം
• മണ്ണ്
ഉത്തരം:
വിത്ത് മുളയ്ക്കുന്നതിന് ആവശ്യമായ ഘടകങ്ങൾ വിത്ത് മുളയ്ക്കുന്നതിന് ആവശ്യമില്ലാത്ത ഘടകങ്ങൾ 
• വായു 
• ജലം 
• അനുകൂല താപനില		• സൂര്യപ്രകാശം 
• മണ്ണ്
• വളം
♦ വിത്തിനകത്തെ ജീവിതം
ചിത്രീകരണത്തിലെ ചെറു പയർ വിത്തിന്റെ മുളയ്ക്കൽ നീരീക്ഷിക്കു (പാഠപുസ്തക പേജ് നമ്പർ: 60).
അഞ്ച് ദിവസം കൊണ്ട് വിത്തിനു വരുന്ന മാറ്റങ്ങൾ പട്ടികയിൽ രേഖപ്പെടുത്തുക.
♦ മുൻ പരീക്ഷണങ്ങളിലെ ഗ്ലാസ്സുകൾ പരിശോധിക്കുക (പാഠപുസ്തക പേജ് നമ്പർ: 59, പട്ടിക 4.2).
വിത്ത് മുളച്ചശേഷം നന്നായി വളരുന്നത് ഏത് ഗ്‌ളാസ്സിലെ ചെടിയാണ്?
• ഗ്ലാസ് 1

♦ ഏറ്റവും നന്നായി വളരുന്ന ചെടിക്ക് ഏതെല്ലാം ഘടകങ്ങളാണ് ലഭിച്ചത് ?
• സൂര്യപ്രകാശം
• വായു
• ജലം 
• അനുകൂല താപനില
• മണ്ണ്

♦ മണ്ണില്ലാതെയും ചെടികൾ വളർത്തുന്ന നൂതന രീതി അറിയപ്പെടുന്നത് -------
• ഹൈഡ്രോപോണിക്സ്

♦ വിത്ത് മുളച്ച് ഇലയുണ്ടാകുന്നതുവരെ ചെടിക്കുള്ള ആഹാരം ലഭിക്കുന്നത്  എവിടെ നിന്നാണ്?.
• ബീജപത്രം 

♦ മണ്ണില്ലാതെ പോഷക ലായനിയിൽ ചെടികൾ വളർത്തുന്ന കൃഷി രീതിയുടെ പേരെന്താണ്?
• ഹൈഡ്രോപോണിക്സ്

♦ എന്താണ് ബീജാന്നം?
ബീജപത്രത്തോടു ചേർന്നുകാണുന്ന ഭാഗമാണ് ബീജാന്നം (endosperm). ഒരു ബീജപത്രം മാത്രമുള്ള സസ്യങ്ങളിൽ വിത്തു മുളച്ച് ഇലയുണ്ടാകുന്നതു വരെ ചെടിക്കുള്ള ആഹാരം ലഭിക്കുന്നത് ബീജാന്നത്തിൽ നിന്നാണ്. ചോളത്തിൽ ഒരു ബീജപത്രം മാത്രമാണുള്ളത്.

♦ വിത്തുമുളയ്ക്കൽ (Seed germination)
• വിത്ത് കുതിർന്ന് പുറംതോട് പൊട്ടുന്നു. ആദ്യം ബീജമൂലവും (radicle) പിന്നീട് ബീജശീർഷവും (plumule) പുറത്തുവരുന്നു. 
• ബീജമൂലം ചെടിയുടെ വേരായി മാറുന്നു. ബീജശീർഷം തണ്ടും ഇലയുമായി മാറുന്നു. 
♦ സസ്യങ്ങൾ വിത്തിൽ ആഹാരം സംഭരിച്ചുവച്ചിരിക്കുന്നത് എന്തിനാണ്? 
• പൂർണതോതിൽ പ്രകാശസംശ്ലേഷണം നടക്കുന്നതുവരെ ബീജപത്രത്തിലോ ബീജാന്നത്തിലോ കരുതിവച്ച ആഹാരമാണ് വളർന്നുവരുന്ന സസ്യം ഉപയോഗിക്കുന്നത്.

♦ ഏതെല്ലാം വിത്തുകളാണ് നമ്മൾ ആഹാരമാക്കുന്നത്?
നെല്ല്, ഗോതമ്പ്, ചോളം, ഓട്സ്, കടുക്, ജീരകം, എള്ള് 

♦ ചിത്രത്തിൽ കാണുന്ന സസ്യങ്ങളിൽ ഏതു ഭാഗത്തുനിന്നാണ്  പുതിയ
സസ്യങ്ങൾ ഉണ്ടാകുന്നത്?
• ചെമ്പരത്തി - തണ്ട്
• നിശാഗന്ധി - ഇല
• കൃഷ്ണകിരീടം - തണ്ട്
• ഇലമുളച്ചി - ഇല

♦ എന്താണ് വിത്തുവിതരണം?
മാതൃസസ്യത്തിൽ നിന്നും പല സ്ഥലങ്ങളിലേക്ക് വിത്തുകൾ എത്തപ്പെടുന്നതാണ് വിത്തുവിതരണം.

♦ വിത്തുവിതരണം എന്തിന്?
• ഒരു സസ്യത്തിന്റെ വിത്തുകളെല്ലാം അതിന്റെ ചുവട്ടിൽത്തന്നെ വീണു മുളയ്ക്കുകയാണെങ്കിൽ അവയെല്ലാം വളരാൻ ആവശ്യമായ മണ്ണ്, വെള്ളം, സൂര്യപ്രകാശം, ധാതുലവണങ്ങൾ എന്നിവ ലഭിക്കില്ല. അതിനാൽ വിത്തുകൾ പല സ്ഥലങ്ങളിലേക്ക് വിതരണം ചെയ്യപ്പെടേണ്ടതുണ്ട്. 
• വിവിധ സസ്യങ്ങൾ ഒരു പ്രദേശത്ത് കാണപ്പെടുന്നതും ഒരു സസ്യം വിവിധ പ്രദേശങ്ങളിൽ കാണപ്പെടുന്നതും ഇതുമൂലമാണ്.

♦ വെള്ളത്തിലൂടെ ഒഴുകിപ്പോകുന്നതിന് തേങ്ങയ്ക്കുള്ള അനുകൂലനങ്ങൾ എന്തെല്ലാമാണ്?
• കുറച്ചു ദിവസങ്ങൾ വെള്ളത്തിൽ കിടന്നാലും ചീഞ്ഞുപോവില്ല. 
• തൊണ്ടിൽ വായു നിറഞ്ഞുനിൽക്കുന്നതുകൊണ്ട് വെള്ളത്തിൽ പൊങ്ങിക്കിടക്കും.

♦ അപ്പൂപ്പൻ താടി കാറ്റിൽ പറക്കാൻ കാരണം എന്തായിരിക്കാം?
വിത്തിന് ഭാരം കുറവാണ് 
പറക്കാൻ രോമം പോലുള്ള ഭാഗങ്ങളുണ്ട് 

♦ ഫലങ്ങൾക്ക് പക്ഷികളെ ആകർഷിക്കുന്നതിനുള്ള എന്തെല്ലാം പ്രത്യേകതകളാണുള്ളത്?
• മാംസളമായ ഭാഗങ്ങൾ
• മധുരം 
• നിറങ്ങൾ

♦ ഭക്ഷ്യയോഗ്യമല്ലാത്ത ചില ഫലങ്ങൾക്ക് മറ്റ് വസ്തുക്കളിൽ പറ്റിപിടിച്ചിരിക്കാൻ സഹായിക്കുന്ന ഭാഗങ്ങളുണ്ട്. വിത്തുവിതരണത്തിന് സഹായിക്കുന്ന അനുകൂലനങ്ങൾ എന്തൊക്കെയാണ്?
• ജന്തുക്കളുടെ ശരീരത്തിൽ പറ്റിപ്പിടിക്കാനുള്ള കൊളുത്തുകൾ 
• പശ 
• കൂർത്ത അഗ്രഭാഗങ്ങൾ 
♦ പാകമാകുമ്പോൾ പൊട്ടിത്തെറിച്ച് വിത്തുവിതരണം ചെയ്യുന്ന ഏതെല്ലാം സസ്യങ്ങളെ നിങ്ങൾക്കറിയാം?
• റബ്ബർ
• കാശിത്തുമ്പ 
• വെണ്ട 

♦ നിങ്ങളുടെ ചുറ്റുപാടുകൾ നിരീക്ഷിച്ച്, വിവിധ സസ്യങ്ങളിലെ വിത്ത് വിതരണരീതി കണ്ടെത്തി എഴുതു.
1. കാറ്റിലൂടെ
• അപ്പൂപ്പൻ താടി 
• മഹാഗണി
• പൈൻ

2. പൊട്ടിത്തെറിച്ച് 
• വെണ്ട 
• റബ്ബർ
• കാശിത്തുമ്പ 

3. ജലം വഴി 
• തേങ്ങ 
• കണ്ടൽ
• താമര

4. ജന്തുക്കൾ വഴി 
• പേരക്ക
• മാമ്പഴം
• അസ്ത്രപ്പുല്ല്  

♦ പച്ചപ്പുള്ള ഭാഗങ്ങൾ നഷ്ടപ്പെട്ട ഇലകളിൽ അവശേഷിക്കുന്നത് എന്താണ്?
ഇലകളിലെ സിരകൾ

♦ ഇലകളിലെ സിരകളുടെ ധർമ്മം എന്ത്?
ഇലയിലേക്ക് ജലം എത്തിക്കുന്നതും ഇലയിൽ നിന്ന് ആഹാരം കൊണ്ടുപോകുന്നതും ഇലകളിലെ സിരകൾ വഴിയാണ്.

♦ എന്താണ് ജാലികാസിരാവിന്യാസം (reticulate venation)?
ഇലയുടെ മധ്യഭാഗത്ത് ഇലഞെട്ടിൽ നിന്ന് അഗ്രഭാഗംവരെ നീണ്ടുപോകുന്ന പ്രധാന സിരയും, അതിൽനിന്നു പുറപ്പെടുന്ന അനേകം ചെറിയ ശാഖകളും പരസ്പരം ബന്ധപ്പെട്ട് വലക്കണ്ണികൾപോലെ കിടക്കുന്നതാണ് ജാലികാസിരാവിന്യാസം. 

♦ എന്താണ് സമാന്തരസിരാവിന്യാസം (parallel venation)?
ഇലയിലെ സിരകൾ എല്ലാം പരസ്പരം കൂട്ടിമുട്ടാതെ ഇലയുടെ ഞെട്ടിൽനിന്ന് തുടങ്ങി സമാന്തരമായി അഗ്രഭാഗത്ത് എത്തി യോജിക്കുന്നതാണ് സമാന്തരസിരാവിന്യാസം.

♦ എന്താണ് തായ്‌വേരുപടലം (taproot system)?
കാണ്ഡത്തിന്റെ ചുവട്ടിൽ നിന്ന് താഴോട്ട് വളരുന്ന ഒരു തായ്‌വേരും അതിൽനിന്ന് വളരുന്ന ശാഖാവേരുകളും ചേർന്ന് കാണപ്പെടുന്ന വേരുപടലമാണ് തായ്‌വേരുപടലം. 
ഉദാ: മാവ്, പ്ലാവ് 

♦ എന്താണ് നാരുവേരുപടലം (fibrous root system)?
കാണ്ഡത്തിന്റെ ചുവട്ടിൽനിന്ന് വളരുന്ന നാരുകൾ പോലെയുള്ള ധാരാളം വേരുകൾ ചേർന്ന വേരുപടലമാണ് നാരുവേരുപടലം. 
ഉദാ: പുല്ല് 

♦ ചുറ്റുപാടുമുള്ള സസ്യങ്ങളിലെ സിരാവിന്യാസവും വേരുപടലവും പട്ടികയായി എഴുതൂ.
 സസ്യം    സിരാവിന്യാസം  വേരുപടലം  
 പയർ   ജാലികാസിരാവിന്യാസം തായ്‌വേരുപടലം
 പുൽച്ചെടി  സമാന്തരസിരാവിന്യാസം നാരുവേരുപടലം
 പ്ലാവ്   ജാലികാസിരാവിന്യാസം തായ്‌വേരുപടലം
 തെങ്ങ്  സമാന്തരസിരാവിന്യാസം നാരുവേരുപടലം

♦ സിരാവിന്യാസവും വേരുപടലവും തമ്മിലുള്ള ബന്ധം കണ്ടെത്തുക.
• ജാലികാസിരാവിന്യാസമുള്ള സസ്യങ്ങൾക്ക് തായ്‌വേരുപടലമുണ്ട്. 
• സമാന്തരസിരാവിന്യാസമുള്ള സസ്യങ്ങൾക്ക് നാരുവേരുപടലമുണ്ട്. 

Copyright of this blog and its contents is reserved. Copying contents of this blog is not permitted without prior written permission of its owner.

♦ ചിത്രങ്ങൾ നിരീക്ഷിച്ച് രണ്ടുകൂട്ടം ചിത്രങ്ങളിലെയും വേര്, ഇല, തണ്ട്, 
ബീജപത്രങ്ങളുടെ എണ്ണം എന്നിവയിലെ വ്യത്യാസങ്ങൾ എഴുതുക.
 സസ്യഭാഗം കൂട്ടം - 1 കൂട്ടം - 2 
 വേര്  നാരുവേരുപടലം തായ്‌വേരുപടലം
 തണ്ട്  ശിഖരങ്ങളില്ല   ശിഖരങ്ങളുണ്ട് 
 ഇല  സമാന്തരസിരാവിന്യാസം  ജാലികാസിരാവിന്യാസം 
 ബീജപത്രങ്ങളുടെ എണ്ണം  ഏകബീജപത്രം  ദ്വിബീജപത്രങ്ങൾ 

♦ എന്താണ് ഏകബീജപത്രസസ്യങ്ങൾ (monocot plants)?
ഒരു ബീജപത്രം മാത്രമുള്ള സസ്യങ്ങളെ ഏകബീജപത്രസസ്യങ്ങൾ എന്നു വിളിക്കുന്നു. 

♦ എന്താണ് ദ്വിബീജപത്രസസ്യങ്ങൾ (dicot plants) ?
രണ്ട് ബീജപത്രങ്ങളുള്ള സസ്യങ്ങളെ ദ്വിബീജപത്രസസ്യങ്ങൾ എന്നു വിളിക്കുന്നു.
♦ ഏകബീജപത്രസസ്യത്തിന്റെ സവിശേഷതകളെന്താണ് ?
നാരുവേരുപടലം, ശിഖരങ്ങളില്ലാത്ത തണ്ട്, സമാന്തര സിരാവിന്യാസമുള്ള ഇലകൾ എന്നിവ ഏകബീജപത്രസസ്യത്തിന്റെ സവിശേഷതകളാണ്. 

♦ ദ്വിബീജപത്ര സസ്യങ്ങളുടെ സവിശേഷതകളെന്താണ് ?
തായ്‌വേരുപടലം, ശിഖരങ്ങളോടുകൂടിയ തണ്ട്, ജാലികാസിരാവിന്യാസമുള്ള ഇലകൾ എന്നിവ ദ്വിബീജപത്ര സസ്യങ്ങളുടെ പ്രത്യേകതകളാണ്. 

♦ വേരും ഇലയും തമ്മിൽ ഇത്തരത്തിലുള്ള ബന്ധം കാണിക്കാത്ത ചില സസ്യങ്ങളും നമ്മുടെ ചുറ്റുപാടിൽ കാണാൻ സാധിക്കും. അതിന് ഉദാഹരണങ്ങൾ കണ്ടെത്തു.
ചേമ്പ്, ചേന, മണിപ്ലാന്റ് 

♦ നിങ്ങളുടെ നാട്ടിൽ എണ്ണത്തിൽ കുറവ് സംഭവിച്ചിട്ടുള്ള സസ്യങ്ങൾ ഏതൊക്കെയാണ് ?
• മുള്ളിലം  
• തുമ്പ
• തൊട്ടാവാടി 

♦ എന്താണ് വംശനാശം?
ജീവികൾ എണ്ണത്തിൽ കുറഞ്ഞ് അവ ഭൂമിയിൽനിന്ന് ഇല്ലാതാകുന്നതാണ് വംശനാശം. 

♦ വംശനാശം സംഭവിക്കുന്നതിന് പ്രധാനകാരണം എന്ത്?
ജീവികളുടെ സ്വാഭാവിക ആവാസം നശിക്കുന്നതാണ് കാരണം 

വിലയിരുത്താം

1. വിത്തുകൾ മുളച്ച് വളരാൻ തുടങ്ങിക്കഴിയുമ്പോൾ ബീജപത്രത്തിന്റെ വലുപ്പത്തിനു വരുന്ന മാറ്റം എന്താണ്? ഇതിനുള്ള കാരണം എന്ത്?
• വിത്തുകൾ മുളയ്ക്കാൻ തുടങ്ങുമ്പോൾ, വെള്ളവും പോഷകങ്ങളും ആഗിരണം ചെയ്യുന്നതിനാൽ ബീജപത്രം വീർക്കുന്നു. 
• ചെടി വളരുമ്പോൾ, അത് ചുരുങ്ങുകയും ഒടുവിൽ വാടിപ്പോകുകയും ചെയ്യുന്നു, കാരണം അതിൽ  സംഭരിച്ചിരിക്കുന്ന പോഷകങ്ങൾ തൈകൾ വളരാൻ ഉപയോഗിക്കുന്നു.

3. പട്ടിക പൂർത്തിയാക്കുക 
 വിത്തുവിതരണത്തിന്റെ 
  രീതി 		 വിത്തിനുള്ള അനുകൂലനങ്ങൾ 
 ജന്തുക്കൾ വഴി  മാംസളമായ ഭാഗങ്ങൾ.
 മറ്റു വസ്തുക്കളിൽ പറ്റിപ്പിടിച്ചിരിക്കാൻ
 സഹായിക്കുന്ന ഭാഗങ്ങൾ
 കാറ്റിലൂടെ വിത്തിന് ഭാരം കുറവ്.
 പറക്കാൻ രോമംപോലുള്ള ഭാഗങ്ങൾ
 ജലം വഴി  കുറച്ചു ദിവസങ്ങൾ വെള്ളത്തിൽ
 കിടന്നാലും ചീഞ്ഞുപോവില്ല
 പൊട്ടിത്തെറിച്ച്  പഴങ്ങൾ പാകമാകുമ്പോൾ പുറംതോട് പൊട്ടി
 വിത്ത് പുറത്തേക്ക് തെറിക്കുന്നു


PSC Solved Question Papers ---> Click here 
PSC TODAY's EXAM RESULTS ---> Click here
PSC EXAM PROGRAMME -> Click here
CURRENT AFFAIRS QUESTIONS -> Click here
PSC Degree Level Questions & Answers - Click here
PSC 10th, +2 Level Questions & Answers - Click here
PSC SHORTLISTS -> Click here
PSC RANK LISTS -> Click here
TEACHING APTITUDE TEST (K-TET, C-TET,, etc.) ---> Click here