SCERT KERALA TEXTBOOKS SOLUTIONS & STUDY NOTES: STD VII Basic Science - Chapter 5 മനുഷ്യശരീരം ഒരു വിസ്‌മയം: ദഹനവും, ശ്വസനവും - Questions and Answers | Teaching Manual & Teachers Handbook

Kerala Syllabus Class 7 അടിസ്ഥാന ശാസ്ത്രം: Chapter 05 മനുഷ്യശരീരം ഒരു വിസ്‌മയം: ദഹനവും, ശ്വസനവും - ചോദ്യോത്തരങ്ങൾ

Questions and Answers for Class 7 Basic Science (Malayalam Medium) Human Body: A Wonder  Digestion and Respiration | Text Books Solution Basic Science (English Medium) Chapter 05 മനുഷ്യശരീരം ഒരു വിസ്‌മയം: ദഹനവും, ശ്വസനവും - Teaching Manual | Teachers Handbook

👉ഈ അദ്ധ്യായം English Medium Notes - Click here

ഈ അധ്യായത്തിന്റെ Teachers Handbook, Teaching Manual എന്നിവ ഡൗൺലോഡ് ചെയ്യാനുള്ള ലിങ്ക് ചോദ്യോത്തരങ്ങളുടെ അവസാനം നൽകിയിട്ടുണ്ട്.

ഈ ബ്ലോഗ് അഡ്‌മിൻറെ രേഖാമൂലമുള്ള അനുമതിയില്ലാതെ ഈ ബ്ലോഗിൽ നൽകിയിരിക്കുന്ന ചോദ്യോത്തരങ്ങൾ, ഇതേരീതിയിലോ പി.ഡി.എഫ് രൂപത്തിലോ, മറ്റേതെങ്കിലും ഡിജിറ്റലോ, പ്രിന്റഡ് ഉൾപ്പെടെയുള്ള ഏതെങ്കിലും രൂപങ്ങളിലേക്കോ മാറ്റി മറ്റൊരു വെബ്സൈറ്റിലോ, ബ്ലോഗിലോ, യുട്യൂബ്, സോഷ്യൽ മീഡിയാ ഗ്രൂപ്പുകളിലോ ഉൾപ്പെടെ ഒരിടത്തും പ്രചരിപ്പിക്കാൻ പാടില്ലാത്തതാകുന്നു.

Class 7 അടിസ്ഥാന ശാസ്ത്രം: Chapter 05 മനുഷ്യശരീരം ഒരു വിസ്‌മയം: ദഹനവും, ശ്വസനവും - ചോദ്യോത്തരങ്ങൾ

♦ നിങ്ങൾ നിരീക്ഷിച്ച ജീവികളും അവയുടെ ആഹാരവും ഉൾപ്പെട്ട പട്ടിക തയ്യാറാക്കുക.

ജീവിയുടെ പേര്	ആഹാരം
• പശു	• പുല്ല്   • വയ്‌ക്കോൽ
• ആട്	• ഇലകൾ  • പഴത്തൊലി
• പൂച്ച	• എലി  • മത്സ്യം
• കരടി	• തേൻ  • മത്സ്യം
• മുയൽ	• കാരറ്റ്  • ഇലകൾ
• മനുഷ്യൻ	• ചോറ്  • മത്സ്യം

♦ സസ്യാഹാരി, മാംസാഹാരി, മിശ്രാഹാരി എന്നിങ്ങനെ ജീവികളെ തരംതിരിക്കുക.

സസ്യാഹാരി	മാംസാഹാരി	മിശ്രാഹാരി
• പശു   • ആന   • മുയൽ   • മാൻ   • ജിറാഫ്	• സിംഹം   • കടുവ    • കഴുകൻ    • സ്രാവ്   • ചെന്നായ	• മനുഷ്യൻ    • കരടി    • പന്നി   • കാക്ക    • നായ

♦ എന്താണ് പോഷണം?

ജീവികൾ ആഹാരം സ്വീകരിക്കുകയും പ്രയോജനപ്പെടുത്തുകയും ചെയ്യുന്ന പ്രക്രിയയാണ് പോഷണം.

♦ എന്താണ് ആഹാരസ്വീകരണം ?

• പോഷണത്തിന് 5 ഘട്ടങ്ങളാണുള്ളത്. 

• അതിന്റെ ആദ്യ ഘട്ടമാണ് ആഹാരസ്വീകരണം.

• ആഹാരം ആദ്യമെത്തുന്നത് വായിലാണ് 

♦ വായിൽ വച്ച് ആഹാരത്തിന് എന്തൊക്കെ മാറ്റങ്ങൾ സംഭവിക്കുന്നു?

• ഉമിനീരുമായി കലരുന്നു.

• പല്ലുകളുടെ സഹായത്താൽ ആഹാരം ചവച്ചരയ്ക്കപ്പെടുന്നു 

• ദഹനത്തിന് തുടക്കം കുറിക്കുന്നത് വായിൽവച്ചാണ് 

♦ ചുണ്ട്, നാക്ക്, പല്ല് എന്നിവ ആഹാരസ്വീകരണത്തിൽ എന്ത് പങ്കാണ് നിർവഹിക്കുന്നത്?

• ചുണ്ട് - ആഹാരം പുറത്തുപോകാതിരിക്കാൻ 

• പല്ല് - ചവച്ചരയ്ക്കാൻ 

• നാവ് - ആഹാരത്തെ പല്ലുകൾക്കിടയിൽ എത്തിക്കാൻ 

♦ പല്ലിന്റെ ഉപരിതലപാളിയാണ് ------------

ഇനാമൽ 

♦ മനുഷ്യശരീരത്തിലെ ഏറ്റവും കാഠിന്യമേറിയ പദാർഥം എന്താണ് ?

ഇനാമൽ 

♦ എന്താണ് പാൽപല്ലുകൾ?

• ഏകദേശം ആറുമാസം പ്രായമാകുമ്പോഴാണ് കുഞ്ഞുങ്ങൾക്ക് പല്ലുമുളയ്ക്കാൻ തുടങ്ങുന്നത്. ഈ പല്ലുകൾ പാൽപല്ലുകൾ എന്നറിയപ്പെടുന്നു. 

• മുകളിലും താഴെയുമായി 10 വീതം ആകെ 20 പാൽ പല്ലുകളാണ് ഉണ്ടാകുന്നത്.

♦ എന്താണ് സ്ഥിരദന്തങ്ങൾ?

• പാൽപല്ലുകൾ കൊഴിഞ്ഞുപോയതിനുശേഷം പിന്നീട് മുളയ്ക്കുന്ന പല്ലുകളാണ് സ്ഥിരദന്തങ്ങൾ. 

• ഇവ പൊട്ടിപ്പോകുകയോ ഇളകിപ്പോകുകയോ ചെയ്താൽ, ആ സ്ഥാനത്ത് പകരം പുതിയ പല്ലുകൾ ഉണ്ടാകുന്നില്ല. 

♦ വിവിധതരം പല്ലുകളുടെ സ്ഥാനവും ഉപയോഗവും പട്ടികപ്പെടുത്തുക.

വ്യത്യസ്തതരം പല്ലുകൾ	സ്ഥാനവും എണ്ണവും	ഉപയോഗം
• ഉളിപ്പല്ല്	• മുൻവശത്ത് മുകളിലും താഴെയുമായി നാല്  പല്ലുകൾ വീതം.	• ആഹാരവസ്തുക്കൾ കടിച്ചുമുറിയ്ക്കാൻ സഹായിക്കുന്നു
• കോമ്പല്ല്	• ഉളിപ്പല്ലുകളുടെ സമീപം ഇരുവശങ്ങളിലും മുകളിലും താഴെയുമായി രണ്ട് പല്ലുകൾ വീതം.	• ആഹാരവസ്തുക്കൾ കടിച്ചുകീറാൻ  സഹായിക്കുന്നു
• അഗ്രചർവണകം	• കോമ്പല്ലിന് സമീപം ഇരുവശങ്ങളിലും മുകളിലും താഴെയുമായി നാല് പല്ലുകൾ വീതം.	• ആഹാരവസ്തുക്കൾ ചവച്ചരയ്ക്കാൻ സഹായിക്കുന്നു
• ചർവണകം	• മുകളിലും താഴെയുമായി ആറ് പല്ലുകൾ വീതം.	• ആഹാരവസ്തുക്കൾ ചവച്ചരയ്ക്കാൻ സഹായിക്കുന്നു

♦ അഗ്രചർവണകം, ചർവണകം എന്നീ വിഭാഗത്തിലുള്ള പല്ലുകളെ പൊതുവായി ---------------- എന്ന് വിളിക്കുന്നു.

അണപ്പല്ലുകൾ

♦ മാംസാഹാരികളും സസ്യാഹാരികളുമായ ജീവികളുടെ പല്ലുകളുടെ പ്രത്യേകത അവയുടെ ആഹാരരീതിയുമായി എത്രമാത്രം ബന്ധപ്പെട്ടിരിക്കുന്നു?

• മാംസാഹാരികളുടെ കോമ്പല്ലുകൾ വളരെയേറെ വികാസം പ്രാപിച്ചിരിക്കുന്നു. ഇവ മാംസം കടിച്ചുകീറാൻ സഹായിക്കുന്നു. 

• സസ്യാഹാരികളിൽ ഉളിപ്പല്ലുകൾ ആഹാരം കടിച്ചുമുറിക്കാനും അണപ്പല്ലുകൾ ആഹാരം ചവച്ചരയ്ക്കാനും സഹായിക്കുന്നു.

♦ ദന്തക്ഷയം 

പല്ലിന്റെ ഇനാമൽ ഒരു കാൽസ്യം സംയുക്തമാണ്. ഇത് ആസിഡുമായി പ്രവർത്തിക്കുമ്പോൾ കാലക്രമേണ നശിക്കുകയും ദന്തക്ഷയത്തിന് കാരണമാകുകയും ചെയ്യുന്നു. 

♦ പല്ലുകൾ കേടുവരുന്നതിന്  കാരണമെന്താണ് ?

ആഹാരം കഴിച്ചതിനുശേഷം വായ ശരിയായി വൃത്തിയാക്കിയില്ലെങ്കിൽ ആഹാരത്തിന്റെ അവശിഷ്ടങ്ങൾ പല്ലുകൾക്കിടയിൽ പറ്റിപ്പിടിച്ചിരിക്കും. ഇതിൽ ബാക്ടീരിയകൾ പോഷണം നടത്തും. തൽഫലമായി ഉണ്ടാകുന്ന ലാക്ടിക് ആസിഡ് പല്ലുകളെ കേടുവരുത്തുന്നു.

♦ ലാക്ടിക് ആസിഡ് വളരെ വീര്യം കുറഞ്ഞ ഒരു ആസിഡാണല്ലോ. അതെങ്ങനെയാണ് പല്ലിനെ നശിപ്പിക്കുന്നത്?

കാൽസ്യം സംയുക്തമായ ഇനാമലും ലാക്ടിക് ആസിഡുമായി പ്രവർത്തിച്ച് പല്ലിനെ ദ്രവിപ്പിക്കുന്നു.

♦ നാക്കിൻ്റെ ധർമ്മങ്ങൾ എന്തൊക്കെയാണ്?

• വിഴുങ്ങാൻ സഹായിക്കുന്നു.

• പല്ലുകൾക്ക് ചവച്ചരക്കാൻ പാകത്തിന് ആഹാരത്തെ വായ്ക്കുള്ളിൽ ചലിപ്പിക്കുന്നു 

• രുചിയറിയാൻ നാക്കിലെ സ്വാദ് മുകുളങ്ങൾ നമ്മെ സഹായിക്കുന്നു.

♦ ദഹനപ്രക്രിയയിൽ ഉമിനീരും പ്രധാന പങ്ക് വഹിക്കുന്നു. ഉമിനീർ ഉത്പാദിപ്പിക്കുന്നത് -----------------ൽ നിന്നാണ്.

ഉമിനീർ ഗ്രന്ഥികൾ

♦ വായിൽവച്ച് ചവച്ചരയ്ക്കപ്പെടുന്ന ആഹാരം പിന്നീട് ദഹനവ്യവസ്ഥയുടെ ഏത് ഭാഗത്താണ് എത്തുന്നത്?

അന്നനാളം

♦ എന്താണ് അന്നനാളം?

• വായയെ ആമാശയവുമായി ബന്ധിപ്പിക്കുന്ന ഒരു കുഴലാണ് അന്നനാളം. 

• ഇത് പേശികളാൽ നിർമ്മിക്കപ്പെട്ടിരിക്കുന്നു.

♦ എന്താണ് പെരിസ്റ്റാൾസിസ്?

അന്നനാളഭിത്തിയുടെ തരംഗരൂപത്തിലുള്ള ചലനം കൊണ്ടാണ് ആഹാരം ആമാശയത്തിലെത്തുന്നത്. ഈ ചലനമാണ് പെരിസ്റ്റാൾസിസ്.

♦ എന്താണ് ദഹനം?

ആഹാരത്തിൽ അടങ്ങിയ ജൈവ ഘടകങ്ങളെ ശരീരത്തിന് സ്വീകരിക്കാൻ  കഴിയുന്ന ലളിത ഘടകങ്ങളാക്കുന്ന പ്രക്രിയയാണ് ദഹനം.

♦ ആമാശയത്തിൽ വച്ച് ആഹാരത്തിന്  ഉണ്ടാകുന്ന മാറ്റങ്ങൾ എന്തൊക്കെയാണ്?

• ആമാശയത്തിൽ വച്ച് പോഷണത്തിന്റെ രണ്ടാംഘട്ടമായ ദഹനം ഭാഗികമായി നടക്കുന്നു. 

• ആഹാരപദാർഥങ്ങൾ 4 മുതൽ 5 മണിക്കൂർവരെ അവിടെ നിലനിൽക്കും. 

• ആമാശയഭിത്തിയുടെ തരംഗരൂപത്തിലുള്ള ചലനം മൂലം ആഹാരം കുഴമ്പുരൂപത്തിലാകുന്നു. 

• ആമാശയഭിത്തിയിൽ കാണുന്ന ഗ്രന്ഥികൾ ഉൽപാദിപ്പിക്കുന്ന ആമാശയരസം ദഹനത്തെ സുഗമമാക്കുന്നു. 

• ചെറിയ അളവിൽ ആമാശയഭിത്തി ഉൽപാദിപ്പിക്കുന്ന ഹൈഡ്രോക്ലോറിക് ആസിഡ് മാംസ്യത്തിന്റെ ദഹനത്തെ സഹായിക്കുകയും രോഗാണുക്കളെ നശിപ്പിക്കുകയും ചെയ്യുന്നു.

♦ ചെറുകുടലിൽ വച്ച് ദഹനവുമായി ബന്ധപ്പെട്ട എന്തൊക്കെ കാര്യങ്ങളാണ് നടക്കുന്നത്?

• മനുഷ്യന്റെ ചെറുകുടലിന് അഞ്ച് മുതൽ ആറ് മീറ്റർ വരെ നീളമുണ്ട്. 

• പോഷണത്തിന്റെ രണ്ടാമത്തെ ഘട്ടമായ ദഹനം പൂർത്തിയാകുന്നതും പോഷകഘടകങ്ങളുടെ ആഗിരണം നടക്കുന്നതും ഇവിടെവച്ചാണ്. 

• ചെറുകുടലിന്റെ ആദ്യഭാഗത്തു വച്ച് കരൾ ഉൽപാദിപ്പിക്കുന്ന പിത്തരസവും ആഗ്നേയഗ്രന്ഥി ഉൽപാദിപ്പിക്കുന്ന ആഗ്നേയരസവും ഭാഗികമായി ദഹിച്ച ആഹാരവുമായി കലർന്ന് ദഹനം പൂർണ്ണമാക്കുന്നു.

♦ ആഹാരത്തിലെ പോഷകഘടകങ്ങൾ എങ്ങനെയാണ് രക്തത്തിലേക്ക് ആഗിരണം ചെയ്യപ്പെടുന്നത്?

• ചെറുകുടലിന്റെ ഭിത്തിയിൽ കാണുന്ന വിരലുകൾ പോലുള്ള സൂക്ഷ്മങ്ങളായ ഭാഗങ്ങളാണ് വില്ലസുകൾ. 

• ഇവയിലൂടെയാണ് നാം കഴിക്കുന്ന ആഹാരത്തിലെ പോഷകഘടകങ്ങൾ രക്തത്തിലേക്ക് ആഗിരണം ചെയ്യപ്പെടുന്നത്. 

• ഇതാണ് പോഷണത്തിന്റെ മൂന്നാംഘട്ടം.

♦ എന്താണ്  ആഗിരണം?

• ദഹിച്ച ആഹാരം ശരീരം സ്വീകരിക്കുന്ന പ്രക്രിയയാണ് ആഗിരണം  

• ഇതാണ് പോഷണത്തിന്റെ മൂന്നാംഘട്ടം.

Copyright of this blog and its contents is reserved. Copying contents of this blog is not permitted without prior written permission of its owner. https://textbooksall.blogspot.com/

♦ എന്താണ് സ്വാംശീകരണം?

• രക്തത്തിൽ എത്തിച്ചേർന്ന പോഷകഘടകങ്ങൾ ശരീരത്തിന്റെ ഭാഗമായി മാറുന്നതാണ് സ്വാംശീകരണം.

• ഇത് പോഷണത്തിന്റെ നാലാം ഘട്ടമാണ്. 

♦ ദഹിച്ച ആഹാരത്തിൽ ശരീരത്തിന് വേണ്ടാത്ത പദാർഥങ്ങളും ഉണ്ടാകില്ലേ? അവ എങ്ങനെയാണ് പുറന്തള്ളുന്നത് ?

• ദഹിച്ച ആഹാരപദാർഥങ്ങളിൽനിന്ന് പോഷകഘടകങ്ങളുടെ ആഗിരണത്തിനുശേഷമുള്ള അവശിഷ്ടങ്ങൾ വൻകുടലിലേക്ക് നീങ്ങുന്നു. • വൻകുടലിൽ വച്ച് ദഹനാവശിഷ്ടങ്ങളിലുള്ള ജലവും ലവണങ്ങളും ആവശ്യാനുസരണം ആഗിരണം ചെയ്യപ്പെടുന്നു. 

• തുടർന്ന് മലാശയത്തിൽ സംഭരിക്കപ്പെടുന്ന ദഹനാവശിഷ്ടങ്ങൾ മലദ്വാരത്തിലൂടെ പുറന്തള്ളപ്പെടുന്നു. 

♦ വിസർജനം

• മലാശയത്തിൽ സംഭരിക്കപ്പെടുന്ന ദഹനാവശിഷ്ടങ്ങൾ മലദ്വാരത്തിലൂടെ പുറന്തള്ളപ്പെടുന്ന പ്രക്രിയയാണ് വിസർജനം. 

• ഇത് പോഷണത്തിന്റെ അഞ്ചാം ഘട്ടമാണ്.

♦ പോഷണത്തിന്റെ ഘട്ടങ്ങൾ ഉൾപ്പെടുത്തി ഫ്ളോചാർട്ട് പൂർത്തിയാക്കൂ.

• ആഹാരം സ്വീകരിക്കൽ ⟶ ദഹനം ⟶ ആഗിരണം ⟶ സ്വാംശീകരണം ⟶ വിസർജനം

♦ മനുഷ്യന്റെ ദഹനവ്യവസ്ഥയുടെ ചിത്രീകരണം നിരീക്ഷിക്കൂ. ചിത്രീകരണത്തിൽ സൂചിപ്പിച്ചിരിക്കുന്ന ഭാഗങ്ങളുടെ പേരും ധർമ്മവും ശാസ്ത്രപുസ്തകത്തിൽ എഴുതു.

● A - വായ 

• ആഹാരം ആദ്യമെത്തുന്നത് വായിലാണ് 

• ഉമിനീരുമായി കലരുന്നു.

• പല്ലുകളുടെ സഹായത്താൽ ആഹാരം ചവച്ചരയ്ക്കപ്പെടുന്നു 

• ദഹനത്തിന് തുടക്കം കുറിക്കുന്നത് വായിൽവച്ചാണ് 

● B - അന്നനാളം

• വായയെ ആമാശയവുമായി ബന്ധിപ്പിക്കുന്ന ഒരു കുഴലാണ് അന്നനാളം. 

• ഇത് പേശികളാൽ നിർമ്മിക്കപ്പെട്ടിരിക്കുന്നു.

•  ചവച്ചരയ്ക്കപ്പെട്ട ആഹാരം അന്നനാളത്തിലൂടെ ആമാശയത്തിലെത്തുന്നു.

● C - ആമാശയം 

• ആമാശയഭിത്തിയുടെ തരംഗരൂപത്തിലുള്ള ചലനം മൂലം ആഹാരം കുഴമ്പുരൂപത്തിലാകുന്നു. 

• ആമാശയഭിത്തിയിൽ കാണുന്ന ഗ്രന്ഥികൾ ഉൽപാദിപ്പിക്കുന്ന ആമാശയരസം ദഹനത്തെ സുഗമമാക്കുന്നു. 

• ചെറിയ അളവിൽ ആമാശയഭിത്തി ഉൽപാദിപ്പിക്കുന്ന ഹൈഡ്രോക്ലോറിക് ആസിഡ് മാംസ്യത്തിന്റെ ദഹനത്തെ സഹായിക്കുകയും രോഗാണുക്കളെ നശിപ്പിക്കുകയും ചെയ്യുന്നു.

● D - ചെറുകുടൽ 

• പോഷകഘടകങ്ങളുടെ ആഗിരണം നടക്കുന്നത് ഇവിടെവച്ചാണ്. 

• കരൾ ഉൽപാദിപ്പിക്കുന്ന പിത്തരസവും ആഗ്നേയഗ്രന്ഥി ഉൽപാദിപ്പിക്കുന്ന ആഗ്നേയരസവും ഭാഗികമായി ദഹിച്ച ആഹാരവുമായി കലർന്ന് ദഹനം പൂർണ്ണമാക്കുന്നു. 

• ചെറുകുടലിലെ വില്ലസുകൾ വഴിയാണ് നാം കഴിക്കുന്ന ആഹാരത്തിലെ പോഷകഘടകങ്ങൾ രക്തത്തിലേക്ക് ആഗിരണം ചെയ്യപ്പെടുന്നത്. 

● E - വൻകുടൽ 

• ദഹിച്ച ആഹാരപദാർഥങ്ങളിൽനിന്ന് പോഷകഘടകങ്ങളുടെ ആഗിരണത്തിനുശേഷമുള്ള അവശിഷ്ടങ്ങൾ വൻകുടലിലേക്ക് നീങ്ങുന്നു. • വൻകുടലിൽ വച്ച് ദഹനാവശിഷ്ടങ്ങളിലുള്ള ജലവും ലവണങ്ങളും ആവശ്യാനുസരണം ആഗിരണം ചെയ്യപ്പെടുന്നു.

● F - മലാശയം 

• മലാശയത്തിൽ സംഭരിക്കപ്പെടുന്ന ദഹനാവശിഷ്ടങ്ങൾ മലദ്വാരത്തിലൂടെ പുറന്തള്ളപ്പെടുന്നു. 

♦ ഏകകോശ ജീവിയായ അമീബയിൽ നടക്കുന്ന പോഷണത്തിന്റെ ചിത്രീകരണമാണ് നൽകിയിരിക്കുന്നത്. ചിത്രം വിശകലനം ചെയ്ത്  അമീബയിൽ നടക്കുന്ന പോഷണത്തിന്റെഘട്ടങ്ങൾ എഴുതുക.

• ആഹാരസ്വീകരണം: അമീബ അതിൻ്റെ കപടപാദങ്ങൾ ഉപയോഗിച്ച് ആഹാരപദാർഥം വിഴുങ്ങുന്നു. അമീബ ആഹാരം സ്വീകരിക്കാനും സഞ്ചരിക്കാനും കപടപാദങ്ങളാണ് ഉപയോഗിക്കുന്നത്.

• ദഹനം: ദഹന രസങ്ങൾ ആഹാരപദാർഥത്തെ വിഘടിപ്പിക്കുകയും ദഹിപ്പിക്കുകയും ചെയ്യുന്നു.

• ആഗിരണം: ദഹിപ്പിച്ച പോഷകങ്ങൾ അമീബയുടെ കോശദ്രവ്യത്തിൽ ലയിക്കുന്നു. 

• സ്വാംശീകരണം: ഊർജ്ജം, വളർച്ച എന്നിവയ്ക്കായി ആഗിരണം ചെയ്യപ്പെടുന്ന പോഷകങ്ങൾ ഉപയോഗിക്കുന്നു.

• പുറന്തള്ളൽ: അമീബ ദഹിക്കാത്ത മാലിന്യ വസ്തുക്കളെ കോശത്തിൽ നിന്ന് പുറന്തള്ളുന്നു.

♦ എന്തുകൊണ്ടാണ് മനുഷ്യർക്ക് മത്സ്യത്തെപ്പോലെ വെള്ളത്തിൽ നിന്ന് ഓക്സിജൻ സ്വീകരിക്കാൻ കഴിയാത്തത്?

മത്സ്യങ്ങൾക്ക് ചെകിളപ്പൂക്കളുണ്ട്, അവ വെള്ളത്തിൽ നിന്ന് ഓക്സിജൻ സ്വീകരിക്കുന്നു. ചെകിളപ്പൂക്കൾ ഇല്ലാത്തതിനാൽ മനുഷ്യർക്ക് വെള്ളത്തിൽ നിന്ന് ഓക്സിജൻ സ്വീകരിക്കാൻ കഴിയില്ല. നമ്മുടെ ശ്വാസകോശത്തിന് അന്തരീക്ഷവായുവിൽ നിന്നുള്ള ഓക്സിജൻ സ്വീകരിക്കാനേ കഴിയുകയൂള്ളൂ.

♦ എന്താണ് ഉച്ഛ്വാസവും നിശ്വാസവും?

• വായു ശ്വാസകോശത്തിലേക്കെടുക്കുന്ന പ്രവർത്തനമാണ് ഉച്ഛ്വാസം (Inhalation). 

• ശ്വാസ കോശത്തിൽനിന്ന് വായു പുറത്തേക്ക് പോകുന്ന പ്രവർത്തനമാണ് നിശ്വാസം (Exhalation). 

♦ മനുഷ്യനിൽ ശ്വസനപ്രക്രിയ എങ്ങനെയാണ് നടക്കുന്നത്? ഒരു മാതൃക നിർമ്മിച്ച് ശ്വാസകോശത്തിന്റെ പ്രവർത്തനം മനസ്സിലാക്കാം

• ആവശ്യമായ സാമഗ്രികൾ: Y ട്യൂബ്, ഒരു വലിയ ബലൂൺ, 2 ചെറിയ ബലൂണുകൾ, അടിഭാഗം വെട്ടിമാറ്റിയ പ്ലാസ്റ്റിക് ബോട്ടിൽ, ചരട്, റബ്ബർബാൻഡ്, പേപ്പർ ബോൾ.

നിർമ്മാണരീതി: ചിത്രത്തിൽ കാണുന്നതുപോലെ ഒരു സംവിധാനമുണ്ടാക്കുക.

വലിയ ബലൂണിന്റെ മധ്യത്തിൽ ഉള്ളിലായി ചെറിയ ഒരു പേപ്പർ ബോൾ വച്ച് ഉൾഭാഗത്ത് റബ്ബർ ബാൻഡും പുറംഭാഗത്ത് ചരടും കെട്ടുക. റബ്ബർ ബാൻഡിന്റെ മറ്റേയറ്റം Y ട്യൂബിൽ ഉറപ്പിക്കുക. ബലൂൺ ബോട്ടിലിന്റെ അടിഭാഗത്ത് വലിച്ചുകെട്ടുക. Y ട്യൂബിന്റെ മുകളറ്റം അടപ്പുമായി ചേരുന്ന ഭാഗം പശയിട്ട് വായുകടക്കാത്തവിധം ഉറപ്പിക്കുക. 

പ്രവർത്തനരീതി: വലിയ ബലൂണിൽ കെട്ടിയ ചരട് മെല്ലെ താഴേക്ക് വലിക്കുക.

(Y ബിന് ഇളക്കം തട്ടാതിരിക്കാൻ ചരടുവലിക്കുമ്പോൾ Y ട്യൂബിൽ പിടിക്കുന്നത് നന്നായിരിക്കും)

• ചരടിൽപ്പിടിച്ച് വലിയ ബലൂൺ താഴേക്ക് വലിച്ചപ്പോൾ, കുപ്പിയ്ക്കുള്ളിലെ രണ്ട് ബലൂണുകളും വികസിക്കുന്നത് എന്തുകൊണ്ട്?

വലിയ ബലൂണിൽ ഘടിപ്പിച്ചിരിക്കുന്ന ചരട് താഴേക്ക് വലിക്കുമ്പോൾ കുപ്പിക്കുള്ളിലെ വ്യാപ്തം കൂടുകയും മർദ്ദം കുറയുകയും ചെയ്യും. അപ്പോൾ കുപ്പിയുടെ പുറത്തുള്ള വായു Y ട്യൂബ് വഴി കുപ്പിയ്ക്കുള്ളിലെ ബലൂണുകളിലേക്ക് പ്രവേശിക്കുന്നു. അതിനാൽ കുപ്പിയ്ക്കുള്ളിലെ ബലൂണുകൾ വികസിക്കുന്നു.

• ചരട് വിടുമ്പോൾ കുപ്പിക്കകത്തെ ബലൂണുകൾ സങ്കോചിക്കുന്നത് എന്തുകൊണ്ട്?

വലിയ ബലൂണിൽ ഘടിപ്പിച്ച ചരട് വിടുമ്പോൾ വലിയ ബലൂൺ കുപ്പിക്കുള്ളിലേക്ക് നീങ്ങുന്നു. അപ്പോൾ കുപ്പിയുടെ ഉള്ളിലെ വ്യാപ്തം കുറയുകയും മർദ്ദം വർദ്ധിക്കുകയും ചെയ്യുന്നു. തൽഫലമായി, കുപ്പിയ്ക്കുള്ളിലെ ബലൂണുകൾക്കുള്ളിലെ വായു പുറത്തേക്ക് പോയി സങ്കോചിക്കുന്നു.

♦ മനുഷ്യൻ്റെ ശ്വാസകോശത്തിൻ്റെ പ്രവർത്തനം എഴുതുക.

• മനുഷ്യന്റെ ശ്വാസകോശങ്ങൾ സ്ഥിതിചെയ്യുന്ന നെഞ്ചിനകത്തെ അറയാണ് ഔരസാശയം. 

• ഔരസാശയത്തിനു താഴെയുള്ള ഭാഗമാണ് ഉദരാശയം. 

• ഇവ വേർതിരിക്കുന്ന പേശിനിർമ്മിതമായ ഭിത്തിയാണ് ഡയഫ്രം. ഇത് അല്പം മേലോട്ട് വളഞ്ഞാണ് ഇരിക്കുന്നത്. ഇതിന് കമാനാകൃതിയാണ്. 

• ഉച്ഛ്വാസസമയത്ത് ഡയഫ്രം ചുരുങ്ങുകയും വളവ് അല്പം നിവരുകയും ചെയ്യുന്നു. അതിനാൽ ഔരസാശയത്തിന്റെ വ്യാപ്തി വർധിക്കുന്നു. തൽഫലമായി അന്തരീക്ഷവായു ശ്വാസകോശത്തിലേക്ക് പ്രവേശിക്കുന്നു. ശ്വാസകോശം വികസിക്കുകയും ചെയ്യുന്നു.

• നിശ്വാസസമയത്ത് ഡയഫ്രം പൂർവസ്ഥിതിയിലാകുന്നു. ശ്വാസകോശവും പൂർവസ്ഥിതിയിലാകുന്നു. ശ്വാസകോശത്തിൽ നിന്ന് വായു പുറത്തേക്ക് പോകുന്നു.

♦ ഉച്ഛ്വാസവും നിശ്വാസവും നടക്കുമ്പോൾ ഡയഫ്രത്തിന് എന്ത് മാറ്റമാണ് ഉണ്ടാകുന്നത്?

• ഉച്ഛ്വാസസമയത്ത് ഡയഫ്രം ചുരുങ്ങുകയും വളവ് അല്പം നിവരുകയും ചെയ്യുന്നു. അതിനാൽ ഔരസാശയത്തിന്റെ വ്യാപ്തി വർധിക്കുന്നു. തൽഫലമായി അന്തരീക്ഷവായു ശ്വാസകോശത്തി ലേക്ക് പ്രവേശിക്കുന്നു. ശ്വാസകോശം വികസിക്കുകയും ചെയ്യുന്നു.

• നിശ്വാസസമയത്ത് ഡയഫ്രം പൂർവസ്ഥിതിയിലാകുന്നു. ശ്വാസകോശവും പൂർവസ്ഥിതിയിലാകുന്നു. ശ്വാസകോശത്തിൽ നിന്ന് വായു പുറത്തേക്ക് പോകുന്നു.

♦ ഉച്ഛ്വാസസമയത്താണോ നിശ്വാസസമയത്താണോ ഔരസാശയത്തിന്റെ വ്യാപ്തി കൂടുന്നത്?

ഉച്ഛ്വാസസമയത്ത്

♦ എന്താണ് ശ്വസനപഥം?

നാസാദ്വാരത്തിലൂടെ അകത്തുകടക്കുന്ന വായു ശ്വാസകോശങ്ങളിലെ വായു അറയിലെത്തുന്നു. വായുവിന്റെ ഈ സഞ്ചാരപാതയാണ് ശ്വസനപഥം.

♦ സൂചനകൾ ഉപയോഗിച്ച് ശ്വസനപഥത്തിന്റെ ഫ്ലോചാർട്ട് പൂർത്തിയാക്കൂ.

സൂചനകൾ: വായു അറ (Alveolus), ശ്വാസനാളം (Trachea), നാസാദ്വാരം (Nostril), ശ്വസനി (Bronchus), ശ്വസനിക (Bronchiole).

ഉത്തരം:

നാസാദ്വാരം 

    ⇩

ശ്വാസനാളം

    ⇩

ശ്വസനി

    ⇩

ശ്വസനിക 

    ⇩

വായു അറ

♦ ഉച്ഛ്വാസപ്രക്രിയയിലെയും നിശ്വാസപ്രക്രിയയിലെയും വിവിധ ഘട്ടങ്ങൾ എഴുതുക.

● ഉച്ഛ്വാസപ്രക്രിയ

• ഡയഫ്രം ചുരുങ്ങി വളവ് അല്പം നിവരുന്നു. വാരിയെല്ലിന്റെ കൂട് ഉയരുന്നു.

• ഔരസാശയത്തിന്റെ വ്യാപ്തി വർധിക്കുന്നു, ശ്വാസകോശം വികസിക്കുന്നു.

• വായു ശ്വാസകോശത്തിലേക്ക് പ്രവേശിക്കുന്നു.

● നിശ്വാസപ്രക്രിയ

• ഡയഫ്രം പൂർവസ്ഥിതിയിലാകുന്നു. വാരിയെല്ലിൻകൂട് താഴുന്നു.

• ഔരസാശയത്തിന്റെ വ്യാപ്തി കുറയുന്നു. ശ്വാസകോശം ചുരുങ്ങുന്നു.

• ശ്വാസകോശത്തിൽ നിന്ന് വായു പുറത്തു പോകുന്നു.

♦ ഉച്ഛ്വാസവായുവിലെയും നിശ്വാസവായുവിലെയും വിവിധ ഘടകങ്ങളുടെ അളവ് കാണിക്കുന്ന പട്ടിക നിരീക്ഷിക്കൂ.

● നിശ്വാസവായുവിലെയും ഉച്ഛ്വാസവായുവിലെയും എല്ലാ ഘടകങ്ങളുടെയും അളവ് ഒരുപോലെയാണോ? 

അല്ല 

● ഏതൊക്കെ ഘടകങ്ങളുടെ അളവിലാണ് വ്യത്യാസം വരുന്നത്?

ഓക്സിജൻ

കാർബൺ ഡൈ ഓക്സൈഡ്

ജലബാഷ്പ്പം 

● ഉച്ഛ്വാസവായുവിനെ അപേക്ഷിച്ച് നിശ്വാസവായുവിൽ കൂടിയ അളവിലുള്ള ഘടകങ്ങൾ ഏതെല്ലാമാണ്? അളവിൽ കുറവുവന്ന ഘടകം ഏതാണ് ?

കൂടിയ അളവിൽ - കാർബൺ ഡൈ ഓക്സൈഡ്, ഈർപ്പം

അളവിൽ കുറവ് - ഓക്സിജൻ

● ശ്വസനത്തിൽ നാം ഉപയോഗപ്പെടുത്തുന്ന വാതകം ഏതാണ് ?

ഓക്സിജൻ

♦ ശ്വാസനാളത്തിൽ ഭക്ഷണം കുടുങ്ങുന്ന സന്ദർഭങ്ങളിൽ എന്ത് പ്രഥമശുശ്രൂഷയാണ് നൽകേണ്ടത്?

• ശ്വാസനാളത്തിൽ ഭക്ഷണം കുടുങ്ങിയാൽ ആ വ്യക്തിയോട് ശക്തിയായി ചുമയ്ക്കാൻ ആവശ്യപ്പെടണം. ചുമയുടെ ശക്തിയിൽ ആഹാരവസ്തു പുറന്തള്ളപ്പെടും.

• ശ്വാസതടസ്സം നേരിട്ട വ്യക്തിയെ അല്പം കുനിച്ചുനിർത്തി പിറകിലായി നിന്ന് രണ്ടു കൈകൾ കൊണ്ടും അപകടത്തിൽപ്പെട്ടയാളുടെ വയറിൽ ശക്തിയായി അമർത്തുക. ആവശ്യമെങ്കിൽ ഏതാനും തവണ ഇത് ആവർത്തിക്കാം.

• ചെറിയ കുട്ടികളാണെങ്കിൽ കമിഴ്ത്തിപിടിച്ച് തോളെല്ലുകൾക്കിടയിലായി ശക്തിയായി തട്ടണം. ആവശ്യമെങ്കിൽ വൈദ്യസഹായം ലഭ്യമാക്കണം.

♦ ഏകകോശ ജീവിയായ പാരമീസിയം എങ്ങനെയാണ് വാതകവിനിമയം നടത്തുന്നത്?

• നഗ്നനേത്രംകൊണ്ട് കാണാൻ കഴിയാത്ത ഒരു ജലജീവിയാണ് പാരമീസിയം.

• ചുറ്റുമുള്ള ജലത്തിൽ ലയിച്ചു ചേർന്ന ഓക്സിജനെ പാരമീസിയം കോശസ്തരം വഴി സ്വീകരിക്കുകയും കാർബൺ ഡൈ ഓക്സൈഡ് പുറന്തള്ളുകയും ചെയ്യുന്നു.

● മണ്ണിരകളുടെ ശ്വസനത്തിന് സഹായിക്കുന്ന ഭാഗം ഏതാണ്?

ഈർപ്പമുള്ള ത്വക്ക് 

● മത്സ്യത്തിൻ്റെ ശ്വസനത്തെ സഹായിക്കുന്ന ഭാഗം ഏതാണ്?

ശകുലങ്ങൾ (ചെകിളപ്പൂക്കൾ)

● തവളകളുടെ ശ്വസനത്തിന് സഹായിക്കുന്ന ഭാഗം?

കരയിലായിരിക്കുമ്പോൾ ശ്വാസകോശം, വെള്ളത്തിലായിരിക്കുമ്പോൾ ഈർപ്പമുള്ള ത്വക്ക് 

● ചിലന്തിയുടെ ശ്വസനത്തിന് സഹായിക്കുന്ന ഭാഗം ഏതാണ്?

ബുക്ക് ലംഗ്‌സ് 

♦ എന്താണ് ശ്വസനം?

ജീവികൾ അവയുടെ പരിസരത്തുനിന്നും ഓക്സിജൻ സ്വീകരിക്കുകയും കാർബൺ ഡൈ ഓക്സൈഡ് പുറന്തള്ളുകയും ചെയ്യുന്ന പ്രക്രിയാണ് ശ്വസനം.

♦ സസ്യങ്ങളുടെ ശ്വസനം

ജന്തുക്കളെപ്പോലെ സസ്യങ്ങളും അന്തരീക്ഷത്തിൽ നിന്ന് ഓക്സിജൻ സ്വീകരിക്കുകയും കാർബൺ ഡൈഓക്സൈഡ് പുറന്തള്ളുകയും ചെയ്യുന്നു. ഇലകളിലും ഇളം കാണ്ഡങ്ങളിലും കാണപ്പെടുന്ന സൂക്ഷ്മസുഷിരങ്ങളായ ആസ്യരന്ധ്രങ്ങൾ വഴിയാണ് ഈ വാതകവിനിമയം നടക്കുന്നത്.

● സസ്യങ്ങൾ ശ്വസിക്കുമ്പോൾ സ്വീകരിക്കുന്ന വാതകം ഏതാണ്?

ഓക്സിജൻ

● സസ്യങ്ങൾ ശ്വസിക്കുമ്പോൾ പുറത്തുവിടുന്ന വാതകം ഏതാണ്?

കാർബൺ ഡൈഓക്സൈഡ്

● സസ്യങ്ങളിൽ വാതകവിനിമയം നടക്കുന്നത് എവിടെയാണ്?

ഇലകളിലും ഇളം കാണ്ഡങ്ങളിലും കാണപ്പെടുന്ന സൂക്ഷ്മസുഷിരങ്ങളായ ആസ്യരന്ധ്രങ്ങൾ വഴിയാണ് വാതകവിനിമയം നടക്കുന്നത്.

വിലയിരുത്താം

1. തന്നിരിക്കുന്നവയിൽ ശരിയായ കൂട്ടമേത്?

a. ആട്, കുതിര, കാക്ക, പ്രാവ് (സസ്യാഹാരി) 

b. പുലി, കഴുകൻ, ആന, പല്ലി (മാംസാഹാരി)

c. മനുഷ്യൻ, കോഴി, കുരങ്ങൻ, മയിൽ (മിശ്രാഹാരി)

ഉത്തരം: c. മനുഷ്യൻ, കോഴി, കുരങ്ങൻ, മയിൽ (മിശ്രാഹാരി)

 

2. താഴെപ്പറയുന്ന അവയവങ്ങളിൽ ഏതിലാണ് ദഹനം പൂർത്തിയാകുന്നത്?

a. വായ്

b. ചെറുകുടൽ 

c. വൻകുടൽ 

d. ആമാശയം

ഉത്തരം: b. ചെറുകുടൽ 

3. പല്ല് കേടുവരാതിരിക്കാൻ ശ്രദ്ധിക്കേണ്ട കാര്യങ്ങൾ എന്തെല്ലാം?

• രാവിലെ ഭക്ഷണത്തിനുമുമ്പും രാത്രിയിൽ ഭക്ഷണത്തിന് ശേഷവും ബ്രഷുപയോഗിച്ച് പല്ല് വൃത്തിയാക്കണം. 

• കൂടാതെ ഓരോ തവണയും ഭക്ഷണശേഷം വായ വൃത്തിയാക്കണം.

4. ആറുവയസുള്ള ഒരു കുട്ടിയുടെയും പ്രായപൂർത്തിയായ ഒരാളിന്റെയും പല്ലുകളിലെ വ്യത്യാസം താരതമ്യം ചെയ്യുക.

• ആറുവയസ്സുള്ള കുട്ടിക്ക് 20 പല്ലുകളുണ്ട്

• പ്രായപൂർത്തിയായ ഒരാൾക്ക് 32 പല്ലുകൾ ഉണ്ട്

5. ഒരാൾ കിടന്നുകൊണ്ട് ഭക്ഷണം കഴിച്ചാൽ ഭക്ഷണം ആമാശയത്തിൽ എത്തുമോ? എന്തുകൊണ്ട്?

ഒരാൾ കിടന്നുകൊണ്ട് ഭക്ഷണം കഴിച്ചാൽ ഭക്ഷണം ആമാശയത്തിൽ എത്തും . അന്നനാളത്തിൻ്റെ പെരിസ്റ്റാൽസിസ് ചലനം മൂലമാണ് ഭക്ഷണം ആമാശയത്തിലെത്തുന്നത്..

♦ Teaching Manual - Click here

♦ Teachers Handbook - Click here

♦ മറ്റ് അധ്യായങ്ങൾ ലഭിക്കാനായി ഇവിടെ ക്ലിക്ക് ചെയ്യുക.

♦ Std 7 Basic Science New Textbooks - Click here

👉 Basic Science TextBook (pdf) - Click here 

👉 SSLC Complete Study Material

👉 SCERT Study Notes (Std 1 to 10) (EM/MM)

👉 SCERT Textbooks pdf  (Std 1 to 12) (MM/EM)

👉 NCERT / CBSE Textbooks pdf  (Std 1 to 12)

👉 NCERT / CBSE Study Notes (Std 1 to 12)

👉 Quiz 

👉 Teachers HandBook (SCERT)

👉 Teachers HandBook (NCERT / CBSE)

👉 ACTIVITY WORKSHEETS STD 8, 9 - Click here

ഈ ബ്ലോഗിലെ എല്ലാ പോസ്റ്റുകളും ഒരുമിച്ച് കാണാനും ആവശ്യമുള്ളവ എളുപ്പത്തിൽ തിരഞ്ഞെടുക്കാനും ഇവിടെ ക്ലിക്കുക.

PSC Solved Question Papers ---> Click here 

PSC TODAY's EXAM RESULTS ---> Click here

PSC EXAM PROGRAMME -> Click here

CURRENT AFFAIRS QUESTIONS -> Click here

PSC Degree Level Questions & Answers - Click here

PSC 10th, +2 Level Questions & Answers - Click here

PSC SHORTLISTS -> Click here

PSC RANK LISTS -> Click here

PSC FINAL ANSWER KEY - Click here

TEACHING APTITUDE TEST (K-TET, C-TET,, etc.) ---> Click here