Kerala Syllabus Class 5 അടിസ്ഥാനശാസ്ത്രം: Chapter 07 ഇന്ദ്രിയജാലം - ചോദ്യോത്തരങ്ങൾ | Teaching Manual 


Questions and Answers for Class 5 Basic Science (Malayalam Medium) Magic of Senses | Text Books Solution Basic Science (Malayalam Medium) Chapter 07 ഇന്ദ്രിയജാലം. ഈ യൂണിറ്റിന്റെ Teachers Manual & Teachers Handbook എന്നിവയുടെ ലിങ്ക് ഈ പേജിന്റെ അവസാന ഭാഗത്തു നൽകിയിട്ടുണ്ട്.

ഈ ബ്ലോഗ് അഡ്‌മിൻറെ രേഖാമൂലമുള്ള അനുമതിയില്ലാതെ ഈ ബ്ലോഗിൽ നൽകിയിരിക്കുന്ന ചോദ്യോത്തരങ്ങൾ, ഇതേരീതിയിലോ പി.ഡി.എഫ് രൂപത്തിലോ, മറ്റേതെങ്കിലും ഡിജിറ്റലോ, പ്രിന്റഡ് ഉൾപ്പെടെയുള്ള ഏതെങ്കിലും രൂപങ്ങളിലേക്കോ മാറ്റി മറ്റൊരു വെബ്സൈറ്റിലോ, ബ്ലോഗിലോ, യുട്യൂബ്, സോഷ്യൽ മീഡിയാ ഗ്രൂപ്പുകളിലോ ഉൾപ്പെടെ ഒരിടത്തും പ്രചരിപ്പിക്കാൻ പാടില്ലാത്തതാകുന്നു.

ഇന്ദ്രിയജാലം - ചോദ്യോത്തരങ്ങൾ
♦ ചിത്രീകരണം പരിശോധിച്ച് താഴെപ്പറയുന്ന പട്ടിക പൂർത്തിയാക്കുക (പാഠപുസ്തക പേജ്: 123)
♦ ചുറ്റുപാടുകളെ മനസ്സിലാക്കാൻ നമ്മെ സഹായിക്കുന്ന അവയവങ്ങൾ ഏതെല്ലാണ്? 
• കണ്ണുകൾ - കാഴ്ച
• ത്വക്ക് - സ്പർശം 
• ചെവികൾ - കേൾവി
• മൂക്ക് - ഗന്ധം 
• നാവ് - രുചി

♦ എന്താണ് ജ്ഞാനേന്ദ്രിയങ്ങൾ?
• ചുറ്റുപാടുകളെ മനസ്സിലാക്കുന്നതിന് സഹായിക്കുന്ന വിവിധതരം അവയവങ്ങൾ ജന്തുക്കൾക്കുണ്ട്. ഈ അവയവങ്ങളാണ് ജ്ഞാനേന്ദ്രിയങ്ങൾ. 
• കണ്ണ്, ചെവി, മൂക്ക്, നാക്ക്, ത്വക്ക് എന്നിവയാണ് മനുഷ്യരുടെ ജ്ഞാനേന്ദ്രിയങ്ങൾ.

♦ ജീവികളെ അവയുടെ കണ്ണുകളുടെ സ്ഥാനത്തിൻ്റെ അടിസ്ഥാനത്തിൽ കൂട്ടങ്ങളാക്കു.
തലയുടെ മുൻവശത്ത് കണ്ണുകളുള്ളവ തലയുടെ വശങ്ങളിൽ കണ്ണുകളുള്ളവ
• പൂച്ച 
• നായ 
• മൂങ്ങ 
• കഴുകൻ 
• കടുവ 		• മുയൽ 
• മത്സ്യം 
• മാൻ 
• കുതിര 
• പ്രാവ് 
♦ കണ്ണിന്റെ സവിശേഷതകൾ എങ്ങനെയാണ് ജീവികൾക്ക് സഹായകമാകുന്നത്?
• തലയുടെ മുൻവശത്ത് കണ്ണുകളുള്ള ജീവികൾക്ക് വസ്തുവിന്റെ സ്ഥാനവും അകലവും കൃത്യമായി തിരിച്ചറിയാൻ കഴിയുന്നു. കടുവ, സിംഹം തുടങ്ങിയ ജീവികളുടെ ഈ പ്രത്യേകത അവയെ ഇരപിടിക്കാൻ സഹായിക്കുന്നു. 
• തലയുടെ വശങ്ങളിൽ കണ്ണുകളുള്ള ജീവികൾക്ക് രണ്ടുവശങ്ങളിലുമുള്ള കാഴ്ച സാധ്യമാകുന്നു. മാൻ, മുയൽ തുടങ്ങിയ ജീവികൾക്ക് ശത്രുക്കളിൽ നിന്ന് രക്ഷനേടാൻ ഈ പ്രത്യേകത സഹായിക്കുന്നു.

♦ ചെങ്കണ്ണിന്റെ ലക്ഷണങ്ങൾ എന്തൊക്കെയാണ്?
• കണ്ണിൽ വേദന.
• ചുവപ്പ്
• ചൊറിച്ചിൽ
• വീർത്ത കണ്പോളകൾ
• പുകച്ചിൽ 
• കണ്ണിൽ നിന്നും വെള്ളം വരിക 
• ലൈറ്റ് സെൻസിറ്റിവിറ്റി

♦ നിങ്ങൾക്ക് അറിയാവുന്ന മറ്റ് നേത്രരോഗങ്ങൾ ഏതാണ്?
• തിമിരം
• ഗ്ലോക്കോമ
• നിശാന്ധത
• വർണ്ണാന്ധത
• ഹ്രസ്വദൃഷ്ടി
• ദീർഘദൃഷ്ടി
• ആസ്റ്റിഗ്മാറ്റിസം

♦ കാഴ്ച പരിശോധനകൾക്കായി ഉപയോഗിക്കുന്ന ചാർട്ട് 
സ്നെല്ലെൻ ചാർട്ട്

♦ കാഴ്ചയ്ക്ക് വെല്ലുവിളി നേരിടുന്ന വ്യക്തികൾ എങ്ങനെയാണ് ചുറ്റുപാടുകളെ തിരിച്ചറിയുന്നത്?
• മറ്റ് ഇന്ദ്രിയങ്ങളെ കൂടുതൽ പ്രയോജനപ്പെടുത്തിയാണ് അവർ ചുറ്റുപാടുകളെ അറിയുന്നത്. (ഉദാ: ശബ്ദം തിരിച്ചറിഞ്ഞും തൊട്ടുനോക്കിയും)
• ശബ്ദം കേട്ട് ആളുകളെ തിരിച്ചറിയുന്നു.
• തൊട്ടുനോക്കി കറൻസി നോട്ടുകളും നാണയങ്ങളും തിരിച്ചറിയുന്നു.
• പച്ചക്കറികളും പഴങ്ങളും അവയുടെ ആകൃതിയും മണവും കൊണ്ട് തിരിച്ചറിയുന്നു

♦ ഏതെല്ലാം സവിശേഷതകളാണ് നോട്ട് തിരിച്ചറിയാൻ കാഴ്ച വെല്ലുവിളി നേരിടുന്നവരെ സഹായിക്കുന്നത്? ഒരു കുറിപ്പ് തയ്യാറാക്കുക.
• നോട്ടുകളിലെ വശങ്ങളിലുള്ള ടാക്ടേൽ വരകളും വലിപ്പ് വ്യത്യാസവും ആണ് കാഴ്ചവെല്ലുവിളി നേരിടുന്നവരെ അവ തിരിച്ചറിയാൻ സഹായിക്കുന്നത്.
• 100 രൂപ നോട്ടിൽ രണ്ട് വശത്തും മധ്യഭാഗത്ത് 4 വരകൾ, ആ 4 വരകളിൽ രണ്ടെണ്ണം കഴിഞ്ഞ് ഒരു ചെറിയ വിടവുണ്ട്.
• 200 രൂപ നോട്ടിലും 4 വരകൾ ഉണ്ട് പക്ഷേ വരകൾക്കിടയിൽ ചെറിയ ഒരു വൃത്തം ആണുള്ളത്
• 500 രൂപ നോട്ടിൽ 5 വരകൾ ഉണ്ട്

♦ ചിത്രങ്ങൾ നോക്കൂ.
നിങ്ങൾ നിരീക്ഷിച്ച പ്രത്യേക സവിശേഷതകൾ എന്തൊക്കെയാണ്?
● തീവണ്ടിയിലെ സീറ്റ് നമ്പർ
കാഴ്ച വെല്ലുവിളി നേരിടുന്നവർക്കായി ട്രെയിനുകളിലെ സീറ്റ് നമ്പറുകൾ ബ്രെയ്‌ലിയിൽ അടയാളപ്പെടുത്തിയിരിക്കുന്നു.

● ഫുട്പാത്തിലെ ടൈൽ 
കാഴ്ച വെല്ലുവിളി നേരിടുന്നവർക്ക് സ്പർശനത്തിലൂടെ പാത തിരിച്ചറിയുന്നതിനായി ഫുട്പാത്തിലെ ടൈലുകൾ മുകൾഭാഗത്ത് പരുക്കൻ വിധത്തിലാണ് നിർമ്മിച്ചിരിക്കുന്നത്.
♦ മൊബൈൽ ഫോൺ, വാച്ച്, കംപ്യൂട്ടർ തുടങ്ങിയ ഉപകരണങ്ങളുടെ എന്തെല്ലാം പ്രത്യേകതകളാണ് കാഴ്ച വെല്ലുവിളി നേരിടുന്നവരെ സഹായിക്കുന്നത്? 
വാച്ച് - ടാക്ടൈയിൽ വാച്ച്, ടോക്കിംഗ് വാച്ച് 
മൊബൈൽ - ലുക്ക്ഔട്ട് ആപ്പ്, ടോക്ക്ബാക്ക് ആപ്പ്
കമ്പ്യൂട്ടറുകൾ - ടാക്ടൈയിൽ കീബോർഡ്, ജാസ് (JAWS), ഓർബിറ്റ് റീഡർ

♦ കാഴ്ച വെല്ലുവിളി നേരിടുന്നവരെ സഹായിക്കാൻ ലഭ്യമായ വിവിധ സംവിധാനങ്ങൾ ഏതൊക്കെയാണ്?
• വൈറ്റ് കെയിൻ 
• സ്മാർട്ട് കെയിൻ 
• ബ്രെയിൽ അക്ഷരങ്ങൾ 
• ബ്രെയിൽ സ്ലേറ്റ്
• ടാക്ടൈയിൽ വാച്ച്
• ടാക്ടൈയിൽ കീബോർഡ്
• ടോക്കിംഗ് വാച്ച് 
• ഓർബിറ്റ് റീഡർ
• ജാസ് (JAWS)
• ലുക്ക്ഔട്ട് ആപ്പ്
• ടോക്ക്ബാക്ക് ആപ്പ്
• അബാക്കസ്
• ടെയ്‌ലർ ഫ്രെയിം

♦ കണ്ണുകളുടെ ആരോഗ്യത്തിന് നാം പാലിക്കേണ്ട ആരോഗ്യ ശീലങ്ങൾ എന്തെല്ലാമാണ് ?
• കണ്ണുകൾ തിരുമ്മാതിരിക്കുക.
• മങ്ങിയ വെളിച്ചത്തിൽ ടി.വി കാണാതിരിക്കുക.
• കണ്ണിനുള്ളിൽ സ്പർശിക്കാതിരിക്കുക.
• ദീർഘസമയം മൊബൈൽ ഫോൺ, കമ്പ്യൂട്ടർ, ടിവി തുടങ്ങിയവ ഉപയോഗിക്കാതിരിക്കുക.
• മറ്റുള്ളവർ ഉപയോഗിച്ച തൂവാലകൾ ഉപയോഗിക്കാതിരിക്കുക. 
• ആവശ്യത്തിന് വെളിച്ചം ലഭിക്കുന്ന സ്ഥലത്തിരുന്ന് വായിക്കുക. 
• കണ്ണിന്റെ പ്രശ്നങ്ങൾ നേരത്തെ തിരിച്ചറിയാൻ ഇടയ്ക്കിടെ കാഴ്ച പരിശോധന നടത്തുക.
• ഇലക്കറികളും പഴങ്ങളും പച്ചക്കറികളും അടങ്ങിയ ആഹാരം കഴിക്കുക.

♦ മുത്തശ്ശൻ നിർദേശിച്ചത് ശരിയായ പരിഹാരമാണോ? ഇത്തരം സന്ദർഭങ്ങളിൽ നമ്മൾ എന്താണ് ചെയ്യേണ്ടത്?
അല്ല, ആരോഗ്യവിദഗ്ധരുടെ നിർദേശപ്രകാരം മാത്രമേ ചെവിയിൽ മരുന്നുകൾ ഉപയോഗിക്കാവൂ. സ്വയംചികിത്സ അപകടമാണ്. കേൾവിശക്തി നഷ്ടപ്പെടാൻ പോലും ഇത് കാരണമാകും. ചെവിക്കുള്ളിൽ വെള്ളം കയറുന്നത് ചെവിയിൽ അണുബാധയുമുണ്ടാക്കും. ഇത് ചെവിവേദനയ്ക്കും ചിലപ്പോൾ കേൾവിക്കുറവിനും കാരണമായേക്കാം.

♦ എന്തെല്ലാം പ്രശ്നങ്ങളാണ് ചെവിക്കുണ്ടാവുന്നത്. ചെവിയെ സംരക്ഷിക്കാൻ നാം എന്തെല്ലാം കാര്യങ്ങളാണ് ശ്രദ്ധിക്കേണ്ടത്?
• പെൻസിൽ തീപ്പെട്ടി കൊള്ളി തുടങ്ങിയ ഒരു വസ്തുവും ചെവിയിൽ ഇടരുത്. • ചെവിക്ക് മുകളിൽ അടിക്കരുത്.
• അശുദ്ധമായ വെള്ളത്തിൽ നീന്തി കുളിക്കരുത്.
• ചെവിയിൽ ഉപ്പുവെള്ളം, എണ്ണ തുടങ്ങിയ ഒരു ദ്രാവകങ്ങളും ഒഴിക്കരുത്.
• വലിയ ശബ്ദങ്ങൾ തുടർച്ചയായി കേൾക്കരുത്.

♦ എന്താണ് ശ്രവണസഹായികൾ?
• കേൾവിക്കുറവിൻ്റെ പ്രശ്നം പരിഹരിക്കാനുള്ള ഉപകരണങ്ങളാണ് ശ്രവണസഹായികൾ.
• ശബ്‌ദത്തിൻ്റെ അളവും വ്യക്തതയും വർദ്ധിപ്പിക്കാൻ ശ്രവണസഹായികൾ ഉപയോഗിക്കുന്നു.

♦ മൂക്കിനുള്ളിൽ എപ്പോഴും ഈർപ്പം അനുഭവപ്പെടുന്നതിന്റെ കാരണം എന്ത്?. 
മൂക്കിനുള്ളിൽ ഒരു സ്രവം ഉൽപാദിപ്പിക്കപ്പെടുന്നതാണ് ഇതിനു കാരണം. 

♦ മൂക്കിനുള്ളിൽ ഒരു സ്രവം ഉൽപാദിപ്പിക്കപ്പെടുന്ന സ്രവത്തിന്റെ ധർമ്മം എന്താണ്?
മൂക്കിലെത്തുന്ന പൊടിപടലങ്ങളും രോഗാണുക്കളും നീക്കം ചെയ്യലാണ് ഈ സ്രവത്തിന്റെ ധർമ്മം. 

♦ ജലദോഷം ഉണ്ടാകുമ്പോൾ മണമറിയാൻ കഴിയാത്തത് എന്തുകൊണ്ട്?
• വൈറസ് ബാധ ഉണ്ടാകുമ്പോൾ മൂക്കിനുള്ളിൽ കൂടുതൽ സ്രവം  ഉൽപാദിപ്പിക്കപ്പെടുന്ന അവസ്ഥയാണ് ജലദോഷം.
• കൂടുതൽ സ്രവം ഉണ്ടാകുമ്പോൾ മണമറിയാൻ സഹായിക്കുന്ന കോശങ്ങളിലേക്ക് ഗന്ധകണികകൾ എത്താതാവും. അതുകൊണ്ടാണ് മണമറിയാത്തത്.

♦ മൂക്കിന്റെ സംരക്ഷണത്തിനായി എന്തെല്ലാം ശ്രദ്ധിക്കണം? 
• മൂക്കിൽ യാതൊരുവിധ വസ്തുക്കളും ഇടരുത്. 
• ശക്തിയായി മൂക്ക് ചീറ്റരുത്.
• അശുദ്ധജലത്തിൽ മുങ്ങിക്കുളിക്കരുത് 

♦ തുമ്മുമ്പോഴും ചുമയ്ക്കുമ്പോഴും മൂക്കിൽനിന്നും വായിൽനിന്നും സ്രവകണികകൾ മറ്റുളളവരുടെ ശരീരത്തിൽ വീഴാൻ സാധ്യതയുണ്ട്. ഇത് ഒഴിവാക്കാൻ എന്തെല്ലാം ശ്രദ്ധിക്കണം?
• വൃത്തിയുള്ള തൂവാലകൊണ്ട് വായും മൂക്കും പൊത്തിപ്പിടിക്കുക. 
• ഒരാൾ ഉപയോഗിച്ച തൂവാല മറ്റുള്ളവർ ഉപയോഗിക്കരുത്.
• മാസ്ക് ധരിക്കുക 
 
♦ നന്നായി ചവച്ചരച്ച് കഴിക്കുമ്പോഴാണോ അല്ലാത്തപ്പോഴാണോ ഭക്ഷണ പദാർഥങ്ങളുടെ ശരിയായ രുചി അറിയാൻ കഴിയുന്നത്? എന്തുകൊണ്ട്?
• നന്നായി ചവച്ചരച്ച് കഴിക്കുമ്പോഴാണ് ഭക്ഷണ പദാർഥങ്ങളുടെ ശരിയായ രുചി അറിയാൻ കഴിയുന്നത്
• ഭക്ഷണപദാർഥങ്ങൾ ഉമിനീരിലലിഞ്ഞ് നാവിലുള്ള സ്വാദുമുകുളങ്ങളെ ഉത്തേജിപ്പിക്കുമ്പോഴാണ് നമ്മൾ രുചി അറിയുന്നത്.

♦ ഒരുദിവസം കഴിക്കുന്ന ഭക്ഷണത്തിലെ രുചികൾ പട്ടികപ്പെടുത്തൂ.
ആഹാരം  രുചികൾ 
• നാരങ്ങ അച്ചാർ 
• പുളി  
• മാമ്പഴം 
• മധുരം  
• പാവയ്ക്ക തോരൻ 
• കയ്പ്  
• കേക്ക് 
• മധുരം  
• ഉണക്ക മത്സ്യം 
• ഉപ്പ് 
♦ നാവിന്റെ ധർമ്മങ്ങൾ എന്തെല്ലാമാണ് ?
• രുചി അറിയാൻ 
• സംസാരിക്കുക
• വിഴുങ്ങാൻ സഹായിക്കുന്നു 
• പല്ലുകൾക്ക് ചവച്ചരക്കാൻ പാകത്തിന് ആഹാരത്തെ വായ്ക്കുള്ളിൽ ചലിപ്പിക്കുന്നു 

♦ നാവിന്റെ ആരോഗ്യത്തിനായി നാം എന്തെല്ലാം ശ്രദ്ധിക്കണം?
• ചൂടോ തണുപ്പോ അധികമുള്ള വസ്തുക്കൾ കഴിക്കരുത് 
• ശക്തിയായി നാവ് വടിക്കരുത്.
• വായ എപ്പോഴും വൃത്തിയായി സൂക്ഷിക്കുക 

♦ സ്പർശനത്തിലൂടെ എന്തെല്ലാമാണ് നാം തിരിച്ചറിയുന്നത്?
• ചൂട് 
• മിനുസം 
• മാർദവം
• ആകൃതി
• വലുപ്പം
• വേദന 

♦ സ്പർശനത്തിലൂടെ വസ്തുക്കളെ തിരിച്ചറിയാൻ സഹായിക്കുന്ന അവയവം ഏതാണ്?
സ്പർശനത്തിലൂടെ വസ്തുക്കളെ തിരിച്ചറിയാൻ സഹായിക്കുന്ന അവയവമാണ് ത്വക്ക്. ശരീരത്തിലെ ഏറ്റവും വലിയ അവയവമാണ് ത്വക്ക്. 

♦ ത്വക്കിന്റെ ധർമ്മങ്ങൾ എന്തെല്ലാമാണ്?
• സ്പർശനത്തിലൂടെ വസ്തുക്കളെ തിരിച്ചറിയാൻ സഹായിക്കുന്ന അവയവമാണ് ത്വക്ക്. 
• ചൂട്, തണുപ്പ് തുടങ്ങിയവ അറിയുന്നതിനും ത്വക്ക് സഹായിക്കുന്നു.
• ശരീരത്തിനുള്ളിലേക്ക് രോഗാണുക്കൾ പ്രവേശിക്കാതെ ത്വക്ക് തടയുന്നു. • ശരീരത്തിന്റെ ചൂട് നിയന്ത്രിക്കുന്നതിലും വിയർപ്പിലൂടെ മാലിന്യം പുറന്തള്ളുന്നതിലും ത്വക്കിന് പങ്കുണ്ട്.

♦ ത്വക്കിന്റെ സംരക്ഷണത്തിനായി നമ്മൾ എന്തെല്ലാം ശ്രദ്ധിക്കണം? 
• ത്വക്ക് വൃത്തിയായി സൂക്ഷിക്കണം.
• ആവശ്യത്തിന് വെള്ളം കുടിക്കണം.
• ത്വക്കിന്റെ ആരോഗ്യത്തിന് സഹായിക്കുന്ന ഇലക്കറികൾ, പഴങ്ങൾ എന്നിവ ഭക്ഷണത്തിൽ ഉൾപ്പെടുത്തണം.
• കുളിക്കുമ്പോൾ ത്വക്ക് നന്നായി വൃത്തിയാക്കണം.
• അമിതമായ ചൂട്, തണുപ്പ് എന്നിവയിൽ നിന്ന് ത്വക്കിനെ സംരക്ഷിക്കണം.

♦ ജ്ഞാനേന്ദ്രിയങ്ങളുടെ പ്രവർത്തനങ്ങളെയും സംരക്ഷണത്തെയും കുറിച്ച് കൂടുതൽ കാര്യങ്ങൾ അറിയുന്നതിനു വേണ്ടി ആരോഗ്യപ്രവർത്തകനുമായി ഒരു അഭിമുഖം നടത്തി ഒരു ചോദ്യാവലി തയ്യാറാക്കൂ.
• കേൾവിക്കുറവിൻ്റെ ചില സാധാരണ കാരണങ്ങൾ എന്തൊക്കെയാണ്, അത് എങ്ങനെ തടയാം?
• വാർദ്ധക്യം നമ്മുടെ കാഴ്ചയെ എങ്ങനെ ബാധിക്കുന്നു, പ്രായമാകുമ്പോൾ കണ്ണിൻ്റെ ആരോഗ്യം നിലനിർത്താൻ എന്തുചെയ്യാൻ കഴിയും?
• ആരോഗ്യകരമായ രുചി ബോധം നിലനിർത്താനുള്ള ചില വഴികൾ ഏവ?
• നമ്മുടെ ത്വക്കിനെ സംരക്ഷിക്കാനും അതിൻ്റെ ആരോഗ്യം നിലനിർത്താനും എങ്ങനെ കഴിയും?
• ഗന്ധം നഷ്ടപ്പെടാനുള്ള കാരണങ്ങൾ എന്തൊക്കെയാണ്, അത് എങ്ങനെ ചികിത്സിക്കാം?
• നമ്മുടെ ജ്ഞാനേന്ദ്രിയങ്ങളുടെ ആരോഗ്യം നിലനിർത്തുന്നതിനുള്ള ചില പൊതുവായ നിർദ്ദേശങ്ങൾ എന്തൊക്കെയാണ്?
വിലയിരുത്താം

1. കടുത്ത വേനലിൽ തൊഴിൽ സമയങ്ങളിൽ നിയന്ത്രണമേർപ്പെടുത്താറുണ്ട്. എന്തായിരിക്കും കാരണം?
• കടുത്ത വേനലിൽ തൊഴിൽ സമയങ്ങളിൽ നിയന്ത്രണമേർപ്പെടുതുന്നത് കൊണ്ട് അമിത ചൂടിൻ്റെ ദോഷകരമായ ഫലങ്ങളിൽ നിന്ന് തൊഴിലാളികളെ സംരക്ഷിക്കുകയും അവരുടെ സുരക്ഷ ഉറപ്പാക്കുകയും ചെയ്യുന്നു.
• സൂര്യനിൽ നിന്നുള്ള അൾട്രാവയലറ്റ് രശ്മികൾ കണ്ണുകൾക്കും ത്വക്കിനും മറ്റും ദോഷം ചെയ്യുന്നു.
• കടുത്ത ചൂടിൽ ദീർഘനേരം ജോലി ചെയ്യുന്നത് ചൂട് ക്ഷീണം, സൂര്യാഘാതം തുടങ്ങിയ ഗുരുതരമായ ആരോഗ്യപ്രശ്നങ്ങളിലേക്ക് നയിച്ചേക്കാം.

ഒരു വസ്തുവിന്റെ ഏതെല്ലാം സവിശേഷതകൾ കാഴ്ച, കേൾവി, സ്പർശം
എന്നിവയിലൂടെ അറിയാം. പട്ടിക പൂർത്തിയാക്കും.
● കാഴ്ച: നിറം, വലിപ്പം, ആകൃതി
● കേൾവി: ശബ്ദം കൊണ്ട് വ്യക്തികളെയും ജീവികളെയും തിരിച്ചറിയുന്നു, ശബ്ദത്തിൻ്റെ ദിശ, ശബ്ദത്തിൻ്റെ ഉറവിടം
● സ്പർശനം: കാഠിന്യം, മൃദുത്വം, താപനില.

3. ജീവികളുടെ പ്രത്യേക അവയവങ്ങളാണ് ചിത്രത്തിൽ അടയാളപ്പെടു ത്തിയിരിക്കുന്നത്. ഇവ ഓരോന്നും ജീവിയെ എങ്ങനെ സഹായിക്കുന്നു എന്ന് കണ്ടെത്തി എഴുതു.
● പൂച്ചയുടെ മീശ:
• അടുത്തുള്ള വസ്തുക്കളെ തിരിച്ചറിയാനും തടസ്സങ്ങൾ ഒഴിവാക്കാനും മീശ പൂച്ചകളെ സഹായിക്കുന്നു. 
• ഇരയുടെ ചലനവും സ്ഥാനവും കണ്ടെത്താൻ ഇത് പൂച്ചകളെ സഹായിക്കുന്നു.
• മറ്റ് പൂച്ചകളുമായി ആശയവിനിമയം നടത്താൻ സഹായിക്കുന്നു.

● ആനയുടെ തുമ്പിക്കൈ:
• ശ്വസനത്തിന്
• ഗന്ധമറിയാൻ 
• വെള്ളംകുടിക്കാൻ 
• തെങ്ങോല, പനമ്പട്ട തുടങ്ങിയവ എടുക്കാനും എന്നിവ വായിൽ വയ്ക്കാനും സഹായിക്കുന്നു.
• ചിന്നം വിളിക്കുന്നത് പോലെയുള്ള ശബ്ദങ്ങൾ ഉണ്ടാക്കാൻ.
• പ്രതിരോധത്തിനും സംരക്ഷണത്തിനും

● ചിത്രശലഭത്തിൻ്റെ സ്പർശിനികൾ:
• പൂക്കളിൽ നിന്ന് തേൻ നുകരാൻ

● പാറ്റയുടെ ആൻ്റിനകൾ:
• താപനില, ഈർപ്പം, ഭക്ഷണ സാന്നിദ്ധ്യം എന്നിവ മനസ്സിലാക്കുന്നതിന്.
• തടസ്സങ്ങൾ ഒഴിവാക്കാനും, വഴി കണ്ടെത്താനും സഹായിക്കുന്നു.
• മറ്റ് പാറ്റകളുമായി ആശയവിനിമയം നടത്താൻ


PSC Solved Question Papers ---> Click here 
PSC TODAY's EXAM RESULTS ---> Click here
PSC EXAM PROGRAMME -> Click here
CURRENT AFFAIRS QUESTIONS -> Click here
PSC Degree Level Questions & Answers - Click here
PSC 10th, +2 Level Questions & Answers - Click here
PSC SHORTLISTS -> Click here
PSC RANK LISTS -> Click here
TEACHING APTITUDE TEST (K-TET, C-TET,, etc.) ---> Click here