Std 6 അടിസ്ഥാന ശാസ്ത്രം Chapter 03 പൂവിൽ നിന്ന് പൂവിലേക്ക് - ചോദ്യോത്തരങ്ങൾ | Teaching Manual


Textbooks Solution for Class 6 Basic Science (Malayalam Medium) | Text Books Solution Basic Science (Malayalam Medium) Chapter 03 Flower to | ഈ യൂണിറ്റിന്റെ Teaching Manual, Teachers Handbook എന്നിവ താഴെയായി നൽകിയിട്ടുണ്ട്, Download ചെയ്യാം. 
പൂവിൽ നിന്ന് പൂവിലേക്ക് - Textual Questions and Answers & Model Questions
1. ഒരു പുഷ്പത്തിന്റെ ഭാഗങ്ങൾ ഏതാണ്?
ഉത്തരം:
* ദളം 
* കേസരപുടം 
* ജനിപുടം 
* വിദളം 
* പൂഞെട്ട് 
* പുഷ്‌പാസനം 

2) ഒരു പുഷ്പത്തിന്റെ ഭാഗങ്ങൾ വരച്ച് അടയാളപ്പെടുത്തുക?

3) ഒരു പുഷ്പത്തിന്റെ ഭാഗങ്ങളും അവയുടെ ധർമ്മങ്ങളും എഴുതുക?
ഉത്തരം:
* ദളം :- പൂവിന് നിറവും സുഗന്ധവും ആകർഷണീയതയും നൽകുന്നു .
* കേസരപുടം:- പൂവിലെ ആൺലിംഗാവയവം (പരാഗിയും തന്തുകവും ചേർന്നത് )
* ജനിപുടം :-പൂവിലെ  പെൺലിംഗാവയവം  (പരാഗണ സ്ഥലം, ജനിദണ്ഡ്, അണ്ഡാശയം എന്നിവ ചേർന്നത് ) 
* വിദളം :- മൊട്ടായിരിക്കുമ്പോൾ പൂവിനെ  സംരക്ഷിക്കുന്നു . വിരിഞ്ഞതിനുശേഷം ദളങ്ങളെ താങ്ങിനിർത്തുന്നു.
* പുഷ്‌പാസനം:- പൂവിന്റെ ഭാഗങ്ങൾക്ക്  ഇരിപ്പിടം ഒരുക്കുന്നു .
*പൂഞെട്ട് :- പൂവിനെ  ചെടികളുമായി ബന്ധിപ്പിക്കുന്നു 

4) എന്താണ് പ്രത്യുൽപാദനം?
ഉത്തരം: ജീവിവർഗം അവയുടെ തുടർച്ച നിലനിർത്തുന്നതിന് പുതിയ തലമുറയെ ഉൽപ്പാദിപ്പിക്കുന്ന പ്രക്രിയയാണ് പ്രത്യുൽപാദനം.

5) പൂക്കളുടെ ധർമ്മം എന്താണ്?
ഉത്തരം: പൂക്കൾ സസ്യങ്ങളിൽ പ്രത്യുൽപാദനം എന്ന പ്രവർത്തനം നിർവ്വഹിക്കുന്നു.

6) ---------------- സസ്യങ്ങളിലെ പ്രത്യുത്പാദന അവയവങ്ങളാണ്.
ഉത്തരം: പൂക്കൾ

7) പൂമ്പൊടിയെ ----------- എന്നും അറിയപ്പെടുന്നു
ഉത്തരം: പരാഗരേണുക്കൾ 

8) അണ്ഡാശയത്തിലെ . ........... .ന് അകത്താണ് അണ്ഡം കാണപ്പെടുന്നത് .
ഉത്തരം: ഓവ്യൂൾ 

9) കേസരപുടത്തിലെ പരാഗിയിലുള്ള  ------------- ൽ ആണ്  പുംബീജം കാണപ്പെടുന്നത് .
ഉത്തരം: പരാഗരേണു 

10) ഏകലിംഗപൂഷ്‌പവും ദ്വിലിംഗപുഷ്‌പവും തമ്മിലുള്ള വ്യത്യാസം എന്ത് ?
ഉത്തരം:
* ദ്വിലിംഗപുഷ്‌പം:- ഒരേ പൂവിൽ തന്നെ കേസരപുടവും ജനിപുടവും കാണുന്നത് .
ഉദാഹരണങ്ങൾ:- ചെമ്പരത്തി , അരളി , ശംഖുപുഷ്പം .
* ഏകലിംഗം:-  കേസരപുടവും ജനിപുടവും വെവ്വേറെ പൂക്കളിൽ കാണുന്നത് .
ഉദാഹരണങ്ങൾ: -മത്തങ്ങ, പാവൽ , കുമ്പളം 

11) ആൺപൂവും  പെൺപൂവും  വിശദീകരിക്കുക?
ഉത്തരം: കേസരപുടം മാത്രമുള്ള പൂക്കൾ ആൺപൂക്കളും ജനിപുടം മാത്രമുള്ളത് പെൺപൂക്കളുമാണ്.
12) എന്താണ് ബീജസങ്കലനം?
ഉത്തരം: പരാഗണരേണുക്കളിൽ നിന്ന് പുംബീജം അണ്ഡാശയത്തിൽ എത്തുകയും അണ്ഡവുമായി കൂടിച്ചേരുകയും വേണം. പുംബീജം അണ്ഡവുമായി  കൂടിച്ചേരുന്നപ്രവർത്തനമാണ്  ബീജസങ്കലനം .

13) ആൺമരവും പെൺമരവും വിശദീകരിക്കുക?
ഉത്തരം: കുടപ്പന ,കുടംപുളി,ജാതി തുടങ്ങിയ സസ്യങ്ങളിൽ ആൺമരവും  പെൺമരവും ഉണ്ട് .ആൺമരത്തിൽ ആൺപൂക്കൾ മാത്രവും പെൺമരത്തിൽ പെൺപൂക്കൾ മാത്രവും ആണ് കാണുന്നത്.

14) പരാഗരേണുവും പുംബീജവും സഞ്ചരിക്കേണ്ട പാത ചിത്രത്തിൽ വരച്ചുചേർക്കുക .
ഉത്തരം:
15) എന്താണ് പരാഗണം ?
ഉത്തരം: പരാഗിയിൽ നിന്ന് പരാഗരേണുക്കൾ പരാഗണസ്ഥലത്തു പതിക്കുന്നതാണ് പരാഗണം. 

16) പരാഗണകാരികൾ എന്നാൽ  എന്താണ് അർത്ഥമാക്കുന്നത്?
ഉത്തരം: പരാഗണത്തെ സഹായിക്കുന്ന ഘടകങ്ങളെ പരാഗണകാരികൾ  എന്ന് വിളിക്കുന്നു.

17) പരാഗണത്തെ സഹായിക്കുന്ന ജീവികളുടെ പേര്?
ഉത്തരം:
*ചിത്രശലഭം
*തേനീച്ചകൾ
*നിശാശലഭം 
*ചെറിയ പക്ഷികൾ

18) പരാഗണകാരികളെ  ആകർഷിക്കാൻ പൂക്കളിൽ കാണുന്ന പ്രത്യേകതകൾ എന്തൊക്കെയാണ്?
ഉത്തരം:
* നിറമുള്ള പൂക്കൾ പക്ഷികളെയും മറ്റ് പ്രാണികളെയും ആകർഷിക്കാൻ ഉദ്ദേശിച്ചുള്ളതാണ്.
*ചില പൂക്കൾക്ക് പ്രാണികളെ ആകർഷിക്കാൻ സുഗന്ധമുണ്ട്.
*ചില പൂക്കളിലെ ദുർഗന്ധം ഈച്ചകളെ ആകർഷിക്കുന്നു.
* പരാഗണകാരികളെ ആകർഷിക്കാൻ ചെറിയ പൂക്കൾ പൂങ്കുലകൾ പോലെ വളരുന്നു.
*ചില പൂക്കൾക്ക് ചുറ്റുമുള്ള ഇലകൾ നിറം മാറുകയും  പരാഗണകാരികളെ  ആകർഷിക്കാൻ പുഷ്പം പോലെ കാണപ്പെടുകയും ചെയ്യുന്നു.

19) മൃഗങ്ങളല്ലാതെ പരാഗണം നടത്തുന്ന പരാഗണകാരികൾ ഏതാണ്?
ഉത്തരം: കാറ്റും ജലവും പരാഗണം നടത്തുന്ന ഘടകങ്ങളാണ്. നെല്ല്, ഗോതമ്പ്, ചോളം, കരിമ്പ് തുടങ്ങിയ ചെടികളിലെ പരാഗണം കാറ്റിലൂടെയാണ് സംഭവിക്കുന്നത്. കുരുമുളക് ചെടികളിൽ പരാഗണം നടത്തുന്നത് ജലമാണ്. (മഞ്ഞു തുള്ളികൾ).

20) പരാഗരേണുക്കളുടെ എന്തൊക്കെ സവിശേഷതകളാണ്  കാറ്റിലൂടെ പരാഗണം നടത്താൻ സഹായിക്കുന്നത് ?
ഉത്തരം:
 *ധാരാളം പരാഗരേണുക്കൾ ഉണ്ടായിരിക്കുക.
*പരാഗരേണുക്കൾക്ക് ഭാരം കുറവാണ്.

21. ചില  പൂക്കളുടെ സവിശേഷതകൾ ശ്രദ്ധിക്കുക. താഴെ കൊടുത്തിരിക്കുന്നവയിൽ ഏത് പരാഗണകാരികൾക്കാണ് ഈ സവിശേഷതകൾ അനുയോജ്യമാകുന്നത് ?
22) എന്താണ് കൃത്രിമ പരാഗണം?
ഉത്തരം:  ഗുണമേന്മയുള്ള ചെടികളിൽ നിന്നും 
പരാഗരേണുക്കൾ  ശേഖരിക്കുകയും അത്  മറ്റ് ചെടികളുടെ പരാഗണസ്ഥലത്തു  വിതറുകയും ചെയ്‌തു  ഗുണമേന്മയുള്ള വിത്തുകൾ ഉത്പാദിപ്പിക്കുന്നതാണ്  കൃത്രിമ പരാഗണം .

23) മെക്സിക്കൻ കാടുകളിൽ  വളരുന്ന വാനിലയുടെ പരാഗണം നടത്തുന്ന പരാഗകാരി ഏതാണ്?
ഉത്തരം: മെലിപ്പോണ ഇനത്തിൽപ്പെട്ട  തേനീച്ചകൾ പരാഗണം നടത്തുന്നു.
24) എന്തുകൊണ്ടാണ് നമ്മുടെ രാജ്യത്ത് വാനില കൃഷി ചെയ്യുന്നതിന് കൃത്രിമ പരാഗണത്തെ സ്വീകരിക്കാൻ ആഗ്രഹിക്കുന്നത്?
ഉത്തരം: മെലിപോണ തേനീച്ചകൾ ഇല്ലാതിരുന്നതിനാൽ, നമ്മുടെ രാജ്യത്ത് വാനില കൃഷി ചെയ്യാൻ കൃത്രിമ പരാഗണത്തെ സ്വീകരിക്കേണ്ടി വന്നു.

25) എന്താണ് സ്വപരാഗണം?
ഉത്തരം: ഒരു  പൂവിന്റെ  പരാഗരേണുക്കൾ അതെ പൂവിന്റെ  പരാഗണസ്ഥലത്തു  പതിക്കുന്നു  . ഇത്തരത്തിലുള്ള പരാഗണത്തെ സ്വപരാഗണം എന്ന് വിളിക്കുന്നു.

26) എന്താണ് പരപരാഗണം?
ഉത്തരം:  ഒരു  പൂവിന്റെ  പരാഗരേണുക്കൾ  വ്യത്യസ്ത പൂക്കളുടെ പരാഗണസ്ഥലത്തു പതിക്കുന്നു.  ഇത്തരത്തിലുള്ള പരാഗണത്തെ പരപരാഗണം  വിളിക്കുന്നു.

27) ഒരു പുവ്  ഒരു ഫലമായി മാറുമ്പോൾ അതിന്റെ ഭാഗങ്ങൾക്ക് എന്ത് മാറ്റങ്ങൾ സംഭവിക്കുന്നു?
ഉത്തരം:
28) ചിത്രം നിരീക്ഷിക്കുക:
എ. ഏത് ഭാഗമാണ് വിത്തായി വളരുന്നത്?
ബി. ഏത് ഭാഗമാണ് ഫലമായി വളരുന്നത്?
ഉത്തരം:
എ. ഒവ്യുൾ 
ബി. അണ്ഡാശയം

29) ലഘുഫലങ്ങൾ എന്നാൽ എന്താണ് ?
ഉത്തരം: ഒരു പൂവിൽ നിന്നും ഒരു ഫലം മാത്രമേ ഉണ്ടാകൂ. ഈ ഫലങ്ങളെ ലഘുഫലങ്ങൾ എന്ന് വിളിക്കുന്നു.

30) പുഞ്ജഫലം എന്താണ് ?
ഉത്തരം: ഒരു പൂവിൽ നിന്ന് ഒന്നിലധികം ഫലങ്ങൾ ഉണ്ടാകുന്നുവെങ്കിൽ, അത്തരം ഫലങ്ങളെ പുഞ്ജഫലങ്ങൾ  എന്ന് വിളിക്കുന്നു.
ഉദാഹരണം:- സീതപ്പഴം , ബ്ലാക്ക്ബെറി, അരണമരക്കായ്  തുടങ്ങിയവ ഉദാഹരണങ്ങളാണ്
31) ഒരു ഉദാഹരണത്തിലൂടെ സംയുക്ത ഫലങ്ങൾ വിശദീകരിക്കാമോ?
ഉത്തരം: ഒരു പ്ലാവിന്റെ  പൂങ്കുലയിൽ നൂറുകണക്കിന് പൂക്കൾ ഉണ്ട്. ഈ പൂങ്കുലയിൽ നിന്നും ധാരാളം ഫലങ്ങൾ ഉണ്ടാകുന്നു . ഇങ്ങനെ ഉണ്ടാകുന്ന  ഓരോ ഫലമാണ്  ചക്കച്ചുള : വിത്ത് ചക്കക്കുരുവും . പഴങ്ങളായി മാറാത്ത പൂക്കൾ ചക്കചവിണി  ആയി മാറുന്നു. ഇവയെല്ലാം ഒരു പൊതു ആവരണത്തിനുള്ളിൽ  ഒരൊറ്റ ഫലമായി  ക്രമീകരിച്ചിരിക്കുന്നു. ഇത്തരം ഫലങ്ങളെ  സംയുക്ത ഫലങ്ങൾ എന്ന് വിളിക്കുന്നു.

32) എന്താണ് കപട ഫലങ്ങൾ ?
ഉത്തരം:
ചില സസ്യങ്ങളിൽ പൂഞെട്ടു ,പുഷ്‌പാസനം തുടങ്ങിയ ഭാഗങ്ങൾ വളർന്നു ഫലം പോലെയാവുന്നു. ഇവയെ കപട ഫലങ്ങൾ എന്ന് വിളിക്കുന്നു.

33. താഴെ കൊടുത്തിരിക്കുന്ന ചിത്രങ്ങൾ പരിശോധിച്ച് ഓരോ ഫലവുമായി ബന്ധപ്പെട്ട ശരിയായ പ്രസ്താവന കണ്ടെത്തുക.








Basic Science Textbook (pdf) - Click here 


ഈ ബ്ലോഗിലെ എല്ലാ പോസ്റ്റുകളും ഒരുമിച്ച് കാണാനും ആവശ്യമുള്ളവ എളുപ്പത്തിൽ തിരഞ്ഞെടുക്കാനും ഇവിടെ ക്ലിക്കുക.

PSC Solved Question Papers ---> Click here 
PSC TODAY's EXAM RESULTS ---> Click here
PSC EXAM PROGRAMME -> Click here
CURRENT AFFAIRS QUESTIONS -> Click here
PSC Degree Level Questions & Answers - Click here
PSC 10th, +2 Level Questions & Answers - Click here
PSC SHORTLISTS -> Click here
PSC RANK LISTS -> Click here
TEACHING APTITUDE TEST (K-TET, C-TET,, etc.) ---> Click here